01:17 22 ապրիլի 2018
Ուղիղ եթեր
Հրշեջները

Արաբկիրի բնակարաններից մեկում բռնկված խոշոր հրդեհը մարել են հարևանների օգնությամբ

© Sputnik / Владимир Федоренко
Պատահարներ
Ստանալ կարճ հղումը
81 0 0

Մինչև հրշեջների ժամանումը հրդեհը սկսել են մարել հարևանները, նրանց շնորհիվ կրակը շատ չի տարածվել։

ԵՐԵՎԱՆ, 8 ապրիլի — Sputnik. Այսօր երեկոյան ժամը 18:40-ի սահմաններում Արտակարգ իրավիճակների նախարարության փրկարար ծառայության օպերատիվ կառավարման կենտրոն ահազանգ է ստացվել այն մասին, որ հրդեհ է բռնկվել Արաբկիր վարչական շրջանի Արամ Խաչատրյան փողոցի թիվ 100 տանը:

Այս մասին տեղեկացնում է ԱԻՆ պաշտոնական կայքը։ Իսկ ահազանգողները եղել են հարևանները։

Օպերատիվորեն դեպքի վայր են մեկնել 5 հրշեջ փրկարարական ջոկատներ: Բայց մինչև հրշեջների ժամանումը, կրակի տարածման դեմ սկսել են պայքարել հարևանները: Ավելի ուշ նրանց են միացել նաև հրշեջները։

Միահամուռ ուժերով կրակի տարածումը կանխվել է, և այն կարճ ժամանակում հնարավոր է եղել մարել:

Ըստ նախնական տեղեկությունների, հրդեհի հետևանքով, բարեբախտաբար, զոհեր և վիրավորներ չկան, թեև բնակարանը զգալիորեն տուժել է:

Գլխավոր թեմաներ