17:03 21 նոյեմբերի 2018
Ուղիղ եթեր
  • USD484.29
  • GBP618.87
  • EUR551.32
  • RUB7.35
Ոստիկանական ավտոմեքենա

Սպառնացել են զենքով ու գերեզմանի տարածք տարել. Ռուսաստանում առևանգել են հայ գործարարին

© Sputnik / Наталья Селиверстова
Պատահարներ
Ստանալ կարճ հղումը
291 0 0

Քրեական գործ է հարուցվել, գործարարի գտնվելու մասին տեղեկություն չկա։

ԵՐԵՎԱՆ, 11 հուլիսի — Sputnik. Ռուսաստանի քննչական կոմիտեի Օրլովի մարզային վարչությունը քրեական գործ է հարուցել «Օրլովսկայա Նիվա» ագրոհոլդինգի սեփականատեր, Թբիլիսիում ծնված հայազգի գործարար Սերգեյ Բուդագովին առևանգելու փաստով։ Այս մասին հայտնում է ՌԴ Քննչական կոմիտեի մարզային վարչության մամուլի ծառայությունը։

Հաղորդագրության համաձայն` հուլիսի 10-ին ռուսական Օրյոլ քաղաքի տարածքում գտնվող այգեգործական միության մոտ անհայտ անձինք կանգնեցրել են Lexus LX 570 մակնիշի ավտոմեքենան, որում եղել է Բուդագովը:

Նրանք սպառնացել են զենքով, նստել են ավտոմեքենա և տարել գերեզմանի տարածք, որտեղ կանգնեցրել են մեքենան, ինչից հետո կապել են վարորդին և նրան թողել ավտոմեքենայի սրահում, իսկ ուղևոր Բուդագովին նստեցրել են մեկ այլ ավտոմեքենա և տարել անհայտ ուղղությամբ։

Նշենք, որ անցած տարի Բուդագովին արդարացրել էին պաշտոնյային կաշառելու գործով, չնայած մեղադրող կողմը պահանջել էր նրան 8 տարվա ազատազրկման դատապարտել խիստ ռեժիմի բանտում: Նա հայտարարել էր, որ այս գործը «սարքած» է, որովհետև ուզում են իրենց խլել ագրոհոլդինգը։

Ըստ թեմայի

Հայի պատճառով Լեհաստանի բյուջեից 3 միլիոն դոլար է պակասել
Թարս նայելու համար Լեհաստանում հայի են ծեծել․ նա մահամերձ է
Լոս Անջելեսում 42 տարեկան հայի են սպանել
թեգերը:
Ռուսաստան

Գլխավոր թեմաներ