ԵՐԵՎԱՆ, 22 հոկտեմբերի — Sputnik. Խոշոր ավտովթարի պատճառով Դիլիջանի թունելում երթևեկությունը ժամանակավորապես դադարեցվել է։ Այս մասին հայտնում է shamshyan.com-ը։
Այսօր` հոկտեմբերի 22-ին, 07։40-ի սահմանում բախվել են Skania մակնիշի 35 VG 960 համարանիշի, ВАЗ 2106 մակնիշի 32 ԼՕ 635 համարանիշի և բեռնատար ГАЗель մակնիշի 35 CT 679 համարանիշի ավտոմեքենաները։
Ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան։
Բեռնատար ГАЗель-ը բարձված է եղել փայտով։