ԵՐԵՎԱՆ, 24 հոկտեմբերի — Sputnik. Երևանի Նոր Նորք վարչական շրջանի Վիլնյուսի փողոցում հոկտեմբերի 23-ին, 18:20-ի սահմանում բախվել են «Երազ» և Nissan մակնիշների ավտոմեքենաները:
Ինչպես հայտնում է shamshyan.com-ը, դեպքի վայրում հայտնաբերվել է տղամարդու դի՝ պարանոցի հատվածը ամբողջովին վնասված և արյունոտված: 1 մարդու էլ տեղափոխել են «Սուրբ Գրիգոր Լուսավորիչ» բժշկական կենտրոն:
Ոստիկանությունն ու քննչական բաժինը պարզում են նաև՝ արդյոք տղամարդը վթարի հետևանքով է մահացել, և այդ հարցի պատասխանը ստանալու համար քննիչի որոշմամբ նշանակվել է դիակի դատաբժշկական փորձաքննություն:
Ոստիկանությունն ու քննչական բաժինը պարզում են վարորդների, մահացածի և վիրավորի ինքնությունը:
