17:36 15 նոյեմբերի 2018
Ուղիղ եթեր
  • USD487.27
  • GBP622.97
  • EUR549.69
  • RUB7.31
Մեկուսարան

Արտակարգ դեպք Վանաձորում. բանտի կալանավորն ինքնասպանության փորձ է արել

© Sputnik / Алексей Филиппов
Պատահարներ
Ստանալ կարճ հղումը
Վթարներ, պատահարներ, սպանություններ (523)
160 0 0

27 տարեկան կալանավորի ինքնասպանությունը կանխել են բանտի աշխատակիցները։

ԵՐԵՎԱՆ, 7 նոյեմբերի – Sputnik. «Վանաձոր» քրեակատարողական հիմնարկի կալանավորներից մեկը՝ 27-ամյա Գոռ Մանուչարյանը, ինքնասպանության փորձ է արել։ Այս մասին հայտնում է shamshyan.com–ը։

Ըստ կայքի` երեկ՝ նոյեմբերի 6-ին, ժամը 14։00-ի սահմանում Վանաձոր քաղաքի Ոստիկանության Տարոնի բաժինը «Վանաձոր» բժշկական կենտրոնից ահազանգ է ստացել, որ «ձախ նախաբազկի կտրած վերքեր» ախտորոշմամբ ՀՀ Արդարադատության նախարարության «Վանաձոր» քրեակատարողական հիմնարկից մի քաղաքացու են տեղափոխել իրենց մոտ։

Մանուչարյանը ինքնասպանություն գործելու նպատակով առավոտյան ժամը 10։40-ի սահմաններում իր խցում դեռևսն անհայտ առարկայով կատարել է ինքնավնասում, իսկ 11։30-ի սահմանում փորձել է կախվել սավանով։

Կայքի տեղեկություններով՝ նրա ինքնասպանությունը կանխել են բանտի անվտանգության աշխատակիցներն ու օրվա պատասխանատու հերթապահը։

Մանուչարյանը կալանքի տակ է այս տարվա մայիսի 18-ից, ում նկատմամբ հարուցվել էր քրեական գործ՝ ՀՀ քր. օր-ի 175 հոդվածի 2-րդ մասի 4-րդ կետի (ավազակություն) և 234 հոդվածի 1-ին մասի հատկանիշներով (ռադիոակտիվ նյութեր հափշտակելը կամ շորթելը)։

Նա պատճառաբանել է, որ ցանկացել է ինքնասպան լինել, քանի որ հարուցված քրեական գործի հետ ունի անհամաձայնություն։

Փաստի առթիվ «Վանաձոր» քրեակատարողական հիմնարկում նյութեր են նախապատրաստվում։

թեմա:
Վթարներ, պատահարներ, սպանություններ (523)

Ըստ թեմայի

Գյումրիում ինքնասպանության փորձ է արել «Կացին» մականունով մուրացկանը
НТВ–ի լրագրողներից մեկն ինքնասպան է եղել. նա նամակ է գրել սիրած աղջկան ու ծնողներին
«Ինքնասպանության դեպքի առթիվ…». Քննչական կոմիտեի հայտարարությունը. լուսանկարներ
թեգերը:
Հայաստան

Գլխավոր թեմաներ