ԵՐԵՎԱՆ, 1 դեկտեմբերի – Sputnik. Երևան քաղաքի Հյուսիսային պողոտայում՝ «Հին Էրիվան» ռեստորանի մոտակայքում, դեկտեմբերի 1-ին ավտովթար է տեղի ունեցել, որից հետևանքով երիտասարդներ են տուժել։
ՀՀ արտակարգ իրավիճակների նախարարությունը հայտնում է, որ «911» ծառայությունը ՃՏՊ–ի մասին ահազանգը ստացել է 03:28-ին։
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատից մեկ մարտական հաշվարկ:
Պարզվել է, որ Տերյան-Թումանյան փողոցների խաչմերուկում բախվել են «Hyundai ix35» (վարորդը՝ Փ. Թ., 1995 թ.,) և «Nissan Teana» (վարորդը՝ Հ. Ա., 1994 թ.) մակնիշերի ավտոմեքենաները, այնուհետև «Nissan Teana» մակնիշի ավտոմեքենան բախվել է կայանած «Volkswagen Touareg» մակնիշի ավտոմեքենային (վարորդը՝ Լ. Պ., 1994 թ.). «Nissan Teana» մակնիշի ավտոմեքենայի ուղևորը արգելափակվել է ավտոմեքենայում:
Մինչ փրկարարների՝ կանչի վայր հասնելը, Փ. Թ.-ն, Հ. Ա.-ն և «Hyundai ix35» մակնիշի ավտոմեքենայի ուղևոր Շ. Հ.-ն (1992 թ.) հոսպիտալացվել են «Էրեբունի» ԲԿ, որտեղ ստանալով համապատասխան բուժօգնություն՝ դուրս են գրվել:
Փրկարարներն ավտոմեքենայից դուրս են բերել և շտապօգնության ավտոմեքենային են մոտեցրել Գ. Բ.-ին. վերջինս հոսպիտալացվել է «Էրեբունի» ԲԿ, որտեղ բժիշկները տուժածի առողջական վիճակը գնահատել են ծանր:
