ԵՐԵՎԱՆ, 6 դեկտեմբերի – Sputnik. Շիրակի մարզի Արթիկ քաղաքի բնակիչ, 44-ամյա Համլետ Չոպիկյանն իր վարած Ford մակնիշի ավտոմեքենայով Ալավերդի-Վանաձոր ավտոճանապարհի 15-րդ կմ հատվածում դուրս է եկել ճանապարհի երթևեկելի գոտուց և ընկել Դեբեդ գետը: Այս մասին հայտնում է shamshyan.com–ը` նշելով, որ դեպքը տեղի է ունեցել այսօր` դեկտեմբերի 6-ին, ժամը 06:10-ի սահմանում։
Վարորդին և նրա ուղևորին՝ 33-ամյա Գուրգեն Խաչատրյանին ավտոմեքենայից դուրս են բերել քաղաքացիներն ու հրշեջ-փրկարարները, որից հետո նրանց տեղափոխել են Վանաձորի բժշկական կենտրոն:
Ավտոմեքենան գետից դուրս է բերվել վերամբարձ կռունկի օգնությամբ:
