ԵՐԵՎԱՆ, 29 հունվարի – Sputnik. «911» ծառայությունը հունվարի 28-ին, ժամը 18:17-ին ահազանգ է ստացել, որ Երևան քաղաքի Լեփսիուսի 2-րդ փողոցի տներից մեկի դուռը փակ է (քաղաքացին ներսում մահացած է). անհրաժեշտ է փրկարարների օգնությունը: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
Դեպքի վայր է մեկնել ԱԻՆ Փրկարար ծառայության հրշեջ-փրկարարական ջոկատից մեկ մարտական հաշվարկ:
Փրկարարները բացել են դուռը և բնակարանի հյուրասենյակի հատակին հայտնաբերել Լ. Ղ.-ի (ծնված 1926 թ.) դին:
