17:15 21 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Ձերբակալել

Ձերբակալվել է գազալցակայանի աշխատակցին ծեծելու և վիրավորելու համար

© Sputnik / Виталий Белоусов
Պատահարներ
Ստանալ կարճ հղումը
Վթար, պատահար, սպանություն, գողություն (1024)
45 0 0

Նախաքննությունն ավարտվել է, քրեական գործը՝ մեղադրական եզրակացությամբ, ուղարկվել քրեական գործի նախաքննության օրինականության նկատմամբ հսկողություն իրականացնող դատախազին:

ԵՐԵՎԱՆ, 11 փետրվարի — Sputnik. Արմավիրի մարզում տեղի ունեցած ծեծկռտուքի համար մեղադրանք է առաջադրվել Երևանի բնակչին։ Ինչպես տեղեկացնում են ՀՀ քննչական կոմիտեից, կատարված բազմակողմանի քննությամբ պարզվել են դեպքի հանգամանքները, շարժառիթը, ենթադրյալ հանցագործություն կատարած անձի ինքնությունը, ով Երևան քաղաքի բնակիչ է՝ ծնված 1989թ:

2018 թվականի հուլիսի 11-ի առավոտյան  Երևանի 30-ամյա բնակիչը, ընկերուհուն նկատելով Արմավիրի մարզի Աշտարակի խճուղում գործող գազալցակայանի աշխատակցի հետ զրուցելիս, մոտեցել է նրանց և միջամտել խոսակցությանը: Օգտագործելով չնչին առիթը՝ 30-ամյա տղամարդը վիճաբանության մեջ է մտել գազալցակայանի աշխատակցի հետ: Քննությամբ ձեռք բերված տվյալների համաձայն՝ Երևանի բնակիչը ճանապարհել է ընկերուհուն և վերադարձել գազալցակայան, որտեղ կոպիտ կերպով խախտելով հասարակական կարգը, անհարգալից վերաբերմունք  ցույց տալով հասարակության նկատմամբ՝ փորձել է ինքնահաստատվել՝ մի քանի անգամ հարվածելով գազալցակայանի աշխատակցի դեմքին ու հեռացել:

Սակայն սեփական անձի առավելությունն ընդգծելու մոլուցքով նա կրկին վերադարձել է գազալցակայան, բռունցքով հարվածել աշխատակցի դեմքին, որից հետո իր մոտ գտնվող՝ սառը զենք հանդիսացող դանակով, դիտավորությամբ  երկու անգամ հարվածել է վերջինիս մարմնի տարբեր մասերին` առողջությանը պատճառելով կյանքին վտանգ սպառնացող ծանր վնաս:

Ձեռք բերված բավարար ապացույցների համակցությամբ՝ Երևանի 30-ամյա բնակչին մեղադրանք է առաջադրվել: Նրա նկատմամբ որպես խափանման միջոց է կիրառվել կալանավորումը:

Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել քրեական գործի նախաքննության օրինականության նկատմամբ հսկողություն իրականացնող դատախազին:

թեմա:
Վթար, պատահար, սպանություն, գողություն (1024)

Ըստ թեմայի

Երևանում ամուսինը դաժանաբար ծեծել է 20-ամյա կնոջը. վերջինը մահացել է հիվանդանոցում
Ծեծել է ընկերուհուն, անչափահասին ինքնասպանության փորձի դրդել. տղամարդուն կալանավորել են
Երևանում տղամարդը ծեծել է 55–ամյա կնոջն ու դրամարկղից հափշտակել գումարը. տեսանյութ (18+)

Գլխավոր թեմաներ