ԵՐԵՎԱՆ, 23 փետրվարի – Sputnik. Կոտայքի մարզում ատովթար է տեղի ունեցել: Երեկ՝ փետրվարի 22-ին, ժամը 23։30-ի սահմանում Երևան-Սևան ավտոճանապարհի 3-րդ կմ հատվածում՝ Աբովյանի վարչական տարածքում, բախվել են Սևանի բնակիչ՝ 27-ամյա Գևորգ Դավթյանի վարած Opel մակնիշի 35 GՏ 953 համարանիշի և Երևան քաղաքի Քանաքեռ վարչական շրջանի բնակիչ՝ 21-ամյա Նարեկ Բարսեղյանի վարած Opel մակնիշի 35 TA 820 համարանիշի ավտոմեքենաները։
Ինչպես հայտնում է shamshyan.com–ը, վթարի հետևանքով Ն. Բարսեղյանի ուղևորները՝ Երևան քաղաքի Քանաքեռ վարչական շրջանի բնակիչներ, 40-ամյա Թագուհի Հարությունյանը և 16-ամյա Կարեն Բարսեղյանը, մարմնական վնասվածքներով տեղափոխվել են «Աբովյան» բժշկական կենտրոն։
Բախման հետևանքով Opel-ներից մեկը գլխիվայր շրջվել է։
Կայքի տեղեկություններով` տուժածները Opel-ի վարորդ Ն. Բարսեղյանի կինն ու որդին են։