19:45 21 մայիսի 2019
Ուղիղ եթեր
  • USD479.60
  • GBP608.80
  • EUR534.80
  • RUB7.44
Ողբերգական ավտովթար Աշտարակի ճանապարհին

Ողբերգական ավտովթար Աշտարակի ճանապարհին. երկու երիտասարդ տեղում մահացել են

© Photo: official site of the MES of RA
Պատահարներ
Ստանալ կարճ հղումը
Վթար, պատահար, սպանություն, գողություն (1138)
118 0 0

Ավտովթարից տուժած երեք քաղաքացիներին տեղափոխել են հիվանդանոց։ Նրանցից մեկի վիճակը ծայրահեղ ծանր է։

ԵՐԵՎԱՆ, 11 մարտի — Sputnik. Երևան-Աշտարակ ավտոճանապարհին տեղի ունեցած ավտովթարը 2 երիտասարդի կյանք է խլել։ Ինչպես տեղեկացնում են ՀՀ ԱԻՆ մամուլի ծառայությունից, մարտի 10-ին, ժամը 18:51-ին «911» ծառայությանը տեղեկություն է հաղորդվել, որ Երևան-Աշտարակ ավտոճանապարհին՝ Կոտայքի մարզի Քասախ գյուղի մոտակայքում, տեղի է ունեցել ՃՏՊ, ավտոմեքենան բախվել է սյանը, կան տուժածներ. անհրաժեշտ է փրկարարների օգնությունը:

Դեպքի վայր են մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական աջակցության բաժնի հոգեբանական խորհրդատվության գծով հրահանգիչը (անհրաժեշտությունից ելնելով մեկնել են «Արմենիա» ՀԲԿ):

Պարզվել է, որ Երևան-Աշտարակ ավտոճանապարհի 2-3-րդ կմ-ին «Opel Vectra» մակնիշի ավտոմեքենան, որի վարորդը 1994 թ.-ին ծնված Մ. Հ.–ն է, դուրս է եկել ճանապարհի երթևեկելի հատվածից և բախվել արտաքին լուսավորության սյանը: ՃՏՊ-ի հետևանքով սյունը շրջվել է, իսկ ավտոմեքենան հայտնվել ճանապարհի հանդիպակաց գոտում:

Ավտոմեքենայի վարորդը և ուղևորը՝ Դ. Դ.-ն (ծնված 1995 թ.), տեղում մահացել են: Ավտոմեքենայի մյուս ուղևորները՝ Ջ. Մ.-ն (ծնված 1991 թ.), Վ. Մ.-ն (ծնված 1991 թ.) և Կ. Դ.-ն (ծնված 1991 թ.), տարբեր բնույթի մարմնական վնասվածքներով հոսպիտալացվել են «Արմենիա» ՀԲԿ: Բժիշկները Կ. Դ.-ի առողջական վիճակը գնահատել են միջին ծանրության, իսկ մյուսներինը՝ ծայրահեղ ծանր:

Փրկարարները հոսանքազրկել են ավտոմեքենան և սահմանազատել տարածքը:

Հոգեբանական խորհրդատվության գծով հրահանգիչը հիվանդանոցում զոհերի և տուժածների հարազատներին ցուցաբերել է հոգեբանական աջակցություն:

թեմա:
Վթար, պատահար, սպանություն, գողություն (1138)

Ըստ թեմայի

Ողբերգական ավտովթար Փարաքարի մոտ. ուղևորներից մեկը հիվանդանոցում մահացել է
Խոշոր ավտովթար Երևան-Աշտարակ ճանապարհին. 5 մարդու հիվանդանոց են տեղափոխել
Ողբերգական ավտովթար ՌԴ–ում. հայկական պետհամարանիշով մեքենայի 3 ուղևորներից 2–ը մահացել են
թեգերը:
Դիակ, ավտովթար, Հայաստան

Գլխավոր թեմաներ