23:28 19 մայիսի 2019
Ուղիղ եթեր
  • USD479.72
  • GBP612.17
  • EUR535.56
  • RUB7.43
Ոստիկանները բերման են ենթարկել ավազակային հարձակման կասկածյալներին

Փակել են կնոջ բերանը, դանակով հարվածել ամուսնուն. ավազակային հարձակում Արարատի մարզում

© Photo : press office of the Police of RA
Պատահարներ
Ստանալ կարճ հղումը
Վթար, պատահար, սպանություն, գողություն (1127)
96701

Ավազակային հարձակման մեջ կասկածվող տղամարդկանց հայտնաբերել են, պարզվել է, որ նրանցից մեկը տուժողների համագյուղացին է և նրանց տուն ելումուտ է ունեցել։

ԵՐԵՎԱՆ, 16 մարտի – Sputnik. Արարատի մարզի Լուսառատ գյուղի տներից մեկում մարտի 15-ի գիշերը ավազակային հարձակում է տեղի ունեցել։ Երկու տղամարդ, որոնցից մեկը՝ դանակով զինված, նախ մտել են ավտոտնակ։ Դարպասի դուռը բաց է եղել։

Ավտոտնակում դարանակալելու ժամանակ ձայներ են հանել։ 58-ամյա տանտիկինը ձայների վրա մտել է ավտոտնակ ու վառել լույսը։ Դարանակալած տղամարդիկ հարձակվել են ու փորձել փակել նրա բերանը, որ ձայն չհանի, սակայն կնոջը հաջողվել է բղավել։ Ամուսինը, լսելով կնոջ ձայնը, տնից անմիջապես իջել է ավտոտնակ։

Այստեղ քաշքշուկ է սկսվել հարձակվողների և ամուսինների միջև։ Այդ ընթացքում հարձակվողներից մեկը դանակով հարվածել է 62-ամյա տանտիրոջը, որից հետո փախել են դեպի մեքենան։ Մերսեդեսը կայանված է եղել տնից մի քանի հարյուր մետր հեռու։ Փախչելիս հարձակվողներից մեկը դանակը նետել է փողոց։ Ի դեպ, նրանցից մեկը դիմակով է եղել։

Ամուսինների ձայների վրա տուն են եկել հարևաններն ու տարածքում ապրող բարեկամները, որոնցից մեկն էլ զանգել է ոստիկանություն և շտապօգնություն։

Տղամարդը հոսպիտալացվել է Արտաշատի հիվանդանոցում․ դանակի հարվածը դիպել էր որովայնին։

Դեպքի վայր եկած ոստիկանները թարմ հետքերով հայտնաբերել են ավազակային հարձակումը կատարած անձանց։ Արտաշատում ապրող, 34-ամյա Էդգար Եղիազարյանն ու 35-ամյա Արմեն Աբրահամյանը հայտնաբերվել ու բերման են ենթարկվել ոստիկանություն։

Էդգար Եղիազարյան
© Photo : press office of the Police of RA
Էդգար Եղիազարյան

Ի դեպ, Արմեն Աբրահամյանը տուժողների համագյուղացին է և նրանց տուն ելումուտ է ունեցել, աշխատել է և, հավանաբար, տեղյակ է եղել նրանց ունեցվածքի մասին։

Արեմն Աբրահամյան
© Photo : press office of the Police of RA
Արմեն Աբրահամյան

«Մերսեդեսը», որով փախել են դեպքի վայրից, հենց նրանն է։

Մեր տեղեկություններով՝ բերման ենթարկվածներից Էդգար Եղիազարյանի մոտից իրավապահները դիմակ են հայտնաբերել։ Ի դեպ, նրանց կողմից թիրախ ընտրված ամուսինները բնակվում են միայնակ։ Երեխաներ ունեն, բայց նրանք արտերկրում են։

թեմա:
Վթար, պատահար, սպանություն, գողություն (1127)

Ըստ թեմայի

Արմավիրի մարզում մահացած 12 տարեկան տղայի մասին նոր մանրամասներ են ի հայտ եկել
Կոտայքի մարզում մի ամբողջ զինանոց է հայտնաբերվել. լուսանկարներ
Արտառոց դեպք Արմավիրում. 83-ամյա կինը փորձել է ինքնասպան լինել
Մահվան ելքով ՃՏՊ Գեղարքունիքում. իրար են բախվել երկու Opel
թեգերը:
Հայաստան

Գլխավոր թեմաներ