ԵՐԵՎԱՆ, 17 մարտի — Sputnik. Բագրատաշենի մաքսատան մոտ բեռնատար է այրվել։ Ինչպես տեղեկացնում են ՀՀ ԱԻՆ մամուլի ծառայությունից, մարտի 16-ին, ժամը 20:55-ին «911» ծառայությանն ահազանգ է ստացվել, որ Տավուշի մարզի Բագրատաշեն գյուղում՝ մաքսատան մոտ, այրվում է բեռնատար:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 00:07-ին, մարվել՝ 02:10-ին:
Այրվել են «Իվեկո» մակնիշի ավտոմեքենան (վարորդ՝ Ի. Տ.) և բեռը, որն է 14.5 տ զուգագուլպա և 300 մ հաղորդալար: