ԵՐԵՎԱՆ, 24 մարտի — Sputnik. Մեր տեղեկություններով երեկ երեկոյան Գյումրում 23-ամյա երիտասարդ է կախվել:
Նրա դին գտնվել է Աճեմյան փողոցի տներից մեկում: Նախնական վարկածով երիտասարդը ինքնասպանություն է գործել խողովակից սավանով կախվելով:
Տանը, որտեղ նա կախվել է, հիմա ապրողներ չկան, բայց նախկինում ապրել են պապն ու տատը, որոնք մահացել են:
Դեպքի օրը հարևաններից մեկը երիտասարդին տեսել է տուն մտնելիս ու հետաքրքրվել այցի պատճառների մասին: Երիտասարդն էլ պատասխանել է, որ եկել է տունը նայելու և ներս է մտել: Որոշ ժամանակ անց հարևանը, անհանգստացած տղայի ուշանալով, նույնպես տուն է մտել ու նրան կախված գտել:
Նա ապրում էր մոր և եղբոր հետ դարձյալ Գյումրիում, բայց այլ բնակարանում, իսկ աշխատում էր հյուսիս-հարավ ճանապարհի կառուցման վրա:
Իրավապահները պարզում են այդ ծայրահեղ քայլին դիմելու պատճառները:
