20:54 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Վանաձոր

Մտադրություն չի ունեցել ինքնահրկիզվելու. նոր մանրամասներ` Վանաձորում գրանցված միջադեպից

© Sputnik / Aram Nersesyan
Պատահարներ
Ստանալ կարճ հղումը
Վթար, պատահար, սպանություն, գողություն (1040)
245 0 0

Վանաձորի հրապարակում բողոքի ակցիա անող կնոջ կողքի շշում հյութ է եղել։ Նոր մանրամասներ են հայտնի դարձել իբր ինքնահրկիզման փորձ կատարող կնոջ միջադեպից։

ԵՐԵՎԱՆ, 28 մարտի — Sputnik. Մարտի 1-ի դեպքերի ժամանակ զոհված Դավիթ Պետրոսյանի մայրն ամենևին էլ մտադրություն չի ունեցել ինքնահրկիզվելու։ Sputnik Արմենիայի տեղեկություններով` կնոջ կողքին եղած շշում ըմպելիք է եղել։

Նա այսօր առավոտյան այցելել է Լոռու մարզպետարան, որպեսզի մարզպետից անձամբ տեղեկանա, թե պետությունը, երբ է հատուցելու մարտի 1-ի դեպքերի ժամանակ զոհված որդու մահվան համար։ Մարզպետը, ամենայն հավանականությամբ, զբաղվածության պատճառով չի ընդունել կնոջը։

Զոհվածի մայրը որոշ ժամանակ անց դարձյալ մարզպետարան է եկել։ Եվ կրկին չի կարողացել հանդիպել մարզպետին ու վրդովմունքը արտահայտել է Վանաձորի Հայքի հրապարակում զոհված որդու նկարը ձեռքին նստելով։

Ըստ ականատեսների`կինը մարզպետին մինչև ժամը 18-ը ժամանակ է տվել իրեն ընդունելու և լսելու համար, այլապես պատրաստվել է գալ Երևան և բողոքել արդեն կառավարության դիմաց։ Մինչև նշած ժամը մարզպետն ընդունել է նրան, իսկ թե ինչ են պայմանավորվել, հայտնի չէ։ Մեր տեղեկություններով` մարտի 1-ին զոհված երիտասարդի մայրը միայնակ է ապրում. ամուսինը ևս մահացել է, իսկ մյուս որդին արտագնա աշխատանքի է մեկնել։

Հիշեցնենք, որ այսօր Shamshyan.com-ը  տեղեկություն էր տարածել համաձայն որի Մարտի 1-ի զոհերից Դավիթ Պետրոսյանի մայրն սպառնացել է ինքնահրկիզվել։Վանաձոր քաղաքի Հայքի հրապարակում ծառայություն իրականացնող ոստիկաններն այսօր կեսօրին Լոռու մարզպետարանի դիմաց նկատել են աստիճաններին նստած մի կնոջ, ում ձեռքին որդու նկարն է եղել, ինչպես նաև ապակե տարա և լուցկի: Կինը հանդիպում է պահանջել Լոռու մարզպետ Անդրեյ Ղուկասյանի հետ` սպառնալով, որ հակառակ դեպքում կինքնահրկիզվի:

թեմա:
Վթար, պատահար, սպանություն, գողություն (1040)

Ըստ թեմայի

Քաղաքացին փորձել է ինքնահրկիզվել կառավարության շենքի դիմաց. տեսանյութ
Տղամարդը «լայվ» է մտել, խոստացել է ինքնահրկիզվել կառավարության մոտ, բայց չի եկել
թեգերը:
ինքնասպանություն, Հրդեհ, Հայաստան

Գլխավոր թեմաներ