ԵՐԵՎԱՆ, 8 ապրիլի — Sputnik. Ապրիլի 7-ին, երեկոյան 21։00-ի սահմաններում խոշոր ավտովթար է տեղի ունեցել Երևանում։ Ինչպես հայտնում է shamshyan.com կայքը, Կոմիտասի պողոտա-Փափազյան փողոցի խաչմերուկում բախվել են Երևանի բնակիչ՝ 23-ամյա Յուրի Գասպարյանի վարած Mazda և դեռևս անհայտ վարորդի վարած Tօyota մակնիշի ավտոմեքենաները։
Բախման արդյունքում Toyota-ն դուրս է եկել երթևեկելի գոտուց, տապալել սրճեփ սարքն ու հայտնվել գազոնում։
Վթարի հետևանքով Գասպարյանը և նրա ուղևորներ՝ Երևանի բնակիչներ, 18-ամյա Վախթանգ Խաչատրյանը, 18-ամյա Գոռ Մկրտչյանը տեղափոխվել են հիվանդանոցներ։
Հիվանդանոց են տեղափոխվել նաև Toyota-ում վթարի պահին գտնվող Երևանի բնակիչներ՝ 61-ամյա Գագիկ Մելքոնյանն ու 54-ամյա Անդրանիկ Հակոբյանը։
Փաստի առթիվ ոստիկանությունում նյութեր են նախապատրաստվում։ Ոստիկանությունը պարզում է Toyota-ի վարորդի ինքնությունը։
