05:04 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Վանաձոր

Ո՞վ և ինչու՞ է սպանել տաքսու վարորդին. Վանաձորում տեղի ունեցած սպանության նոր մանրամասները

© Sputnik / Aram Nersesyan
Պատահարներ
Ստանալ կարճ հղումը
Վթար, պատահար, սպանություն, գողություն (1030)
286 0 0

Տաքսու վարորդին սպանած, դիակն այրած ու հողով ծածկած տղամարդուն հայտնաբերել են մեքենայում քնած։

ԵՐԵՎԱՆ, 8 ապրիլի – Sputnik. Լոռու մարզում` Վանաձոր քաղաքի սկզբնամասում, ապրիլի 4-ին տաքսու վարորդ Արսեն Սարդարյանի սպանության վերաբերյալ նոր մանրամասներ են ի հայտ եկել։

Sputnik Արմենիայի տեղեկություններով՝ առանձնապես ծանր հանցագործությունը կատարելու կասկածանքով ձերբակալված Կամո Կիրակոսյանը հենց դեպքի օրը՝ ապրիլի 4-ին է Բագրատաշենի սահմանային անցակետով մուտք գործել Հայաստան։ Նա վերադարձել է Ռուսաստանի Դաշնությունից։

30-ամյա կասկածյալը Ալավերդուց է, սակայն քաղաքում ընտանիք չունի․ միայն ազգականներն են։ Հայաստան գալու օրը Ալավերդի չի մտել, ուղևորվել է մայրաքաղաք, նախնական վարկածով՝ մեքենա գնելու։

Երևանում նստել է 46-ամյա Արսեն Սարդարյանի «Մերսեդեսը»՝ Ալավերդի ուղևորվելու։ Ճանապարհին վարորդի և ուղևորի միջև վեճ է ծագել, նախնական վարկածով՝ գումարային հարցերի շուրջ։ Վեճն ավարտվել է տաքսիստի դանակահարությամբ։

Վերջինիս եղբոր` ոստիկանությունում տված հաղորդումից հետո սկսվել են որոնողական ծավալուն միջոցառումներ։ Տղամարդու և նրա վարած մեքենայի վերաբերյալ տվյալները փոխանցվել են ոստիկանության տարածքային ստորաբաժանումներ։

Ոստիկանության Թումանյանի բաժնի ծառայողները, իրենց կողմից սպասարկվող վարչական տարածքում շրջելիս, նկատել են անհետ կորած համարվող Արսեն Սարդարյանի «Մերսեդեսը»։ Ի դեպ, մեքենան կայանված է եղել անմարդաբնակ վայրում։ Մերսեդեսի սրահում էլ քնած է եղել ուղևոր Կամո Կիրակոսյանը։ Նա կասկածանքով բերման է ենթարկվել ոստիկանություն, որտեղ էլ պարզվել է եղելությունը։

Ավելի վաղ ոստիկանությունը հայտնել էր, որ Կամո Կիրակոսյանը ցուցմունք է տվել և հայտնել, որ ապրիլի 4-ին, ժամը 20.30-ի սահմանում Վանաձոր քաղաքի սկզբնամասում գումարային հարցերի շուրջ վիճաբանել է նշված տաքսի ավտոմեքենայի վարորդ Ա.Սարդարյանի հետ, որի ընթացքում նրա ձեռքից խլելով դանակը՝ մի քանի անգամ հարվածներ է հասցրել նրա գլխին և սպանել:

Դաժան սպանությունից հետո դիակը նույն ավտոմեքենայով տեղափոխել է Ալավերդի համայնքի Հաղպատ բնակավայրի տարածքում գտնվող «Դսևանք» կոչվող տեղանք, բենզինով այրել, այնուհետև կիսաայրված դիակը նույն ավտոմեքենայի բեռնախցիկում, սավանի մեջ փաթաթված, տեղափոխել է Ալավերդի համայնքի Աքորի բնակավայրի «Տափի Դուզ» կոչվող տեղանքի աղբյուր և ծածկել հողով ու չորացած տերևներով:

Կամո Կիրակոսյանը ձերբակալվել է։

1973 թ. ծնված Արսեն Սարդարյանի անհետացման մասին ոստիկաններին հայտնել էր եղբայրը ապրիլի 4-ին, ժամը 16.30-ին։ Նա ասել էր, որ եղբայրը «Մերսեդես» մակնիշի ավտոմեքենայով ուղևորվել է Սպիտակ քաղաք և չի վերադարձել:

թեմա:
Վթար, պատահար, սպանություն, գողություն (1030)

Ըստ թեմայի

Երևանում հնչած կրակոցների հետքերով. հրամանատարի ուղղությամբ կրակել է նրա նախկին աշխատակիցը
Ողբերգական դեպք Հայաստանում․ դուստրը հայտնաբերել է հոր դին
Միջադեպ դպրոցում. 14-ամյա տղան գլխի վնասվածքով տեղափոխվել է հիվանդանոց
Խուլերի միավորման մոտ տեղի ունեցած բազմամարդ կռվում ոչ ոք լուրջ վնասվածք չի ստացել
Վիճաբանություն–ծեծկռտուք Երևանում. կասկածյալներն են Լևոն Երանոսյանը, որդին և փեսան
թեգերը:
Սպանություն, Վանաձոր, Հայաստան

Գլխավոր թեմաներ