ԵՐԵՎԱՆ, 5 մայիսի — Sputnik. Երևան-Արմավիր ավտոճանապարհին կեսգիշերին բախվել են Մեծամոր քաղաքի բնակիչ, 26-ամյա Կարեն Գինոսյանի անվամբ հաշվառված Opel մակնիշի և Արմավիրի մարզի Ծիածան գյուղի բնակիչ, 37-ամյա Արայիկ Եղիազարյանի վարած ЗИЛ մակնիշի ավտոմեքենաները:
Shamshyan.com-ի հաղորդմամբ՝ բախման հետևանքով ավտոմեքենաներում հրդեհ է բռնկվել, այնուհետև ուժեղ պայթյուն է տեղի ունեցել:
Դեպքի վայր ժամանած փրկարարներին HouseNet կազմակերպության ներկայացուցիչների հետ մեծ դժվարությամբ հաջողվել է մարել ավտոմեքենաներում առաջացած հրդեհը:
Վթարի վայրում հայտնաբերվել է անձը չպարզված քաղաքացու այրված դի, իսկ վթարի վայրից ոչ մեծ հեռավորության վրա՝ դաշտամիջյան հատվածում, ոչ ամբողջական վիճակում կամ այրված մարմնի մասեր: Ըստ եղած տեղեկությունների՝ մահացածները ամուսիններ են. նրանց ինքնությունը պարզվում է: