18:46 24 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Պայթյուն. արխիվային լուսանկար

Պայթած ЗИЛ-ի վարորդը չի տուժել. ճշտվել է, թե ում է պատկանում Opel-ը. նոր մանրամասներ

MEHMET OZER / AFP
Պատահարներ
Ստանալ կարճ հղումը
Վթար, պատահար, սպանություն, գողություն (1295)
670 0 0

Թեև Քննչական կոմիտեից մանրամասներ չկարողացան փոխանցել, քանի որ օրն աշխատանքային չէ, Sputnik Արմենիան կարողացել է որոշ տեղեկություններ գտնել:

ԵՐԵՎԱՆ, 5 մայիսի — Sputnik. Կեսգիշերին Արմավիրի մարզում տեղի ունեցած ողբերգական պայթյունի փաստի առթիվ հարուցվել է քրեական գործ: Այս մասին Sputnik Արմենիային տեղեկացրեց ՀՀ ոստիկանության հասարակայնության հետ կապերի և լրատվության վարչության ԶԼՄ կապերի վաժնի պետ Էդգար Ջանոյանը: Գործը փոխանցվել է ՀՀ քննչական կոմիտե:

Քննչական կոմիտեից պարզաբանում ստանալ չհաջողվեց. խոստացան մանրամասներ փոխանցել երկուշաբթի օրը, քանի որ այսօր աշխատանքային օր չէ:

Sputnik Արմենիայի տեղեկություններով ЗИЛ-ը պատկանել է սահմանափակ պատասխանատվությամբ ընկերության, մեքենայի վրա տեղադրված են եղել գազի բալոններ և ենթադրելի է, որ մեքենան հանդիսացել է գազի լիցքավորման շրջիկ կետ:

Արդյո՞ք ЗИЛ-ի բալոնները լիցքավորված են եղել, թե ոչ՝ կպարզի փորձաքննությունը. իսկ «Օպելը» գրանցված է եղել Կարեն Գինոսյանի անունով, որն այժմ կապի դուրս չի գալիս:

ЗИЛ-ի վարորդը չի տուժել պայթյունից, քանի որ հենց բախման պահին նա հասցրել է լքել մեքենան:

Հիշեցնենք, որ ինչպես տեղեկացնում է ԱԻՆ-ը, մայիսի 5-ին՝ 00:00-ի սահմաններում Էջմիածին-Արմավիր ավտոճանապարհի 10 կմ-ի ձախակողմյան հատվածում բախվել են գազի բալոններով բարձված (10 հատ, տարողությունը չի հաջողվել պարզել) ЗИЛ-130 (վարորդ՝ Ա.Ե., ծնված 1982 թ.) և Opel (վարորդ՝ Կ.Գ., ծնված 1993 թ.) մակնիշների ավտոմեքենաները: Բախման հետևանքով բալոնները պոկվել և ընկել են երթևեկելի հատված, իսկ բալոններից մեկը պայթել է և բռնկվել: Ավտոմեքենաներն ամբողջությամբ այրվել են: Տեղազննման արդյունքում հայտնաբերվել է անձը չպարզված քաղաքացու այրված դի, իսկ վթարի վայրից ոչ մեծ հեռավորության վրա դաշտամիջյան հատվածում, ոչ ամբողջական վիճակում կամ այրված մարմնի մասեր են հայտնաբերվել: Ըստ եղած տեղեկությունների՝ զոհվածներն ամուսիններ են. նրանց ինքնությունն ու դեպքի հանգամանքները պարզվում են:

թեմա:
Վթար, պատահար, սպանություն, գողություն (1295)

Ըստ թեմայի

Սարսափելի ավտովթար Արմավիրի մարզում. դիակներն անճանաչելի են եղել
Արարատի մարզում 22 տարեկան աղջիկը դանակով վնասել է իրեն. պատճառը մերկ լուսանկա՞րն է
թեգերը:
ՀՀ քննչական կոմիտե, ՀՀ Ոստիկանություն, ՀՀ արտակարգ իրավիճակների նախարարություն (ԱԻՆ)

Գլխավոր թեմաներ