16:51 22 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Բռնություն

Դաժան սպանություն Հայաստանում. երիտասարդը ծեծելով սպանել է ընկերուհուն

© Sputnik / Табылды Кадырбеков
Պատահարներ
Ստանալ կարճ հղումը
103901

Երիտասարդը ձեռքերով, ոտքերով, ձեռքի տակ եղած խողովակով ու երկաթե բանալիով բազմաթիվ հարվածներ է հասցնել աղջկան։ Հետո տեսել է, որ աղջիկը գիտակցությունը կորցրել է ու նրան տարել է հիվանդանոց, բայց արդեն ուշ է եղել։

ԵՐԵՎԱՆ, 9 մայիսի – Sputnik. Արարատի մարզում սպանություն է տեղի ունեցել։ Մայիսի լույս 9-ի գիշերը՝ ժամը 1-ի սահմանում, մի տղամարդ «Մասիս» բժշկական կենտրոն է հասցրել մի կնոջ։ Հիվանդանոցի բակ իջած բժիշկները բացել են մեքենայի դռներն ու տեսել, որ կինը մահացած է։

Մարմնի տարբեր մասերին վնասվածքներ են եղել։ Բժիշկները դին մեքենայից չեն էլ հանել և կատարվածի մասին տեղեկացրել են տարածքային ոստիկանությանը։

Ժամանած իրավապահները մեքենայի վարորդին սպանություն կատարելու կասկածանքով բերման են ենթարկել Մասիսի ոստիկանություն։

Sputnik Արմենիայի տեղեկություններով՝ երիտասարդը 26 տարեկան է և ապրում է Երևանի Մալաթիա-Սեբաստիա վարչական շրջանում։ Նախնական վարկածով՝ երիտասարդն ու հիվանդանոց տեղափոխված աղջիկը սովորականի նման հանդիպել են, քանի որ ընկերություն են արել։

30-ամյա աղջիկն ապրում էր Արտաշատ քաղաքում։ Ամենայն հավանականությամբ՝ երիտասարդը նրան տուն տանելիս է եղել, երբ վեճ է սկսվել։

Ի դեպ, ըստ որոշ տեղեկությունների՝ նրանց հարաբերությունները վերջերս լարված են եղել, քանի որ երիտասարդը ուրիշ ընտրյալ է ունեցել, որի հետ մոտ ժամանակներս պետք է ամուսնանար։ Երիտասարդը մեքենան կանգնեցրել է Այնթապ գյուղի տարածքում և սկսել ձեռքերով, ոտքերով, ձեռքի տակ եղած խողովակով ու երկաթե բանալիով բազմաթիվ հարվածներ հասցնել աղջկան։

Որոշ ժամանակ անց տեսել է, որ աղջիկը գիտակցությունը կորցրել է, ուստի նրան հասցրել է հիվանդանոց, բայց նա արդեն մահացած է եղել։

Ըստ թեմայի

Էջմիածնում տեղի ունեցած սպանության մանրամասները. տղամարդը զբաղվում էր կոնյակի վաճառքով
Էջմիածնում իրագործված դաժան սպանության համար 2 հոգու են ձերբակալել. մեկը երիտասարդ աղջիկ է
Հայաստանում սպանության մեջ մեղադրվողին բռնել են Մոսկվայում. նրան տեղափոխել են Երևան
Տաշիրում ձերբակալվել է 15–ամյա տղայի սպանության մեջ կասկածվող համադասարանցին. տեսանյութ
թեգերը:
Սպանություն, Հայաստան

Գլխավոր թեմաներ