ԵՐԵՎԱՆ, 22 մայիսի — Sputnik. Իտալիայում զբոսաշրջային ավտոբուսի վթարից տուժած անձանց թվում Հայաստանի Հանրապետության քաղաքացի կա։ Sputnik Արմենիային այս մասին ասաց Հռոմում Հայաստանի հյուպատոս Աղվան Այվազյանը։
«Տուժածների շարքում կա ՀՀ մեկ քաղաքացի, աղջիկը 20-30 տարեկան է», – ասաց Այվազյանը։
Նրա խոսքով` հիմա նա Սիենայի հիվանդանոցում է, նրա առողջական վիճակի մասին տվյալները ճշտվում են։
#Incidente #Monteriggioni soccorritori al lavoro sul bus turistico finito in una scarpata, @emergenzavvf hanno estratto le ultime 3 persone incastrate all'interno del mezzo ora affidate al 118. Bilancio provvisorio un morto e diversi feriti @TgrRai pic.twitter.com/91O4sRCuTN
— Tgr Rai Toscana (@TgrRaiToscana) 22 мая 2019 г.
Իտալիայում Հայաստանի դեսպանությունն էլ հայտնում է, որ վթարի հետևանքով վիրավորների թվում եղել են ՀՀ երկու քաղաքացի՝ Մարգարիտա Գյուլումլան՝ ծնված 10․06.1982թ., և Նինա Մեհրաբյան՝ ծնված 24.04.1987թ.։ Նինա Մեհրաբյանը ստացել է թեթև վնասվածքներ և համապատասխան բուժօգնությունից հետո դուրս գրվել։ Մարգարիտա Գյուլումյանը գտնվում է բժշկական զննման փուլում։
Ավելի վաղ տեղեկություն էր տարածվել, որ մայիսի 22–ի առավոտյան Սիենա–Ֆլորենցիա մայրուղում երկհարկանի զբոսաշրջային ավտոբուս է շրջվել։ Իտալական ԶԼՄ–ները սկզբում հայտնել էին, որ ավտոբուսում ռուսաստանցի զբոսաշրջիկներ են եղել։ ԶԼՄ–ների տվյալով` 60-հոգանոց խումբ է եղել։ ԶԼՄ–ների տվյալով` մահացել է մի կին` զբոսավարը։ Վիրավորվել են 15 մարդ, որոնցից 4–ը ծանր վիճակում են, 4–ի վիճակը գնահատվում է միջին ծանրության։
