14:30 20 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Ոստիկանություն

Դանակահարություն «Թումոյի» այգում. 17–ամյա տղան վնասվածք է ստացել կրծքավանդակի շրջանում

© Sputnik / Aram Nersesyan
Պատահարներ
Ստանալ կարճ հղումը
702 0 0

Երևանյան այգում դանակահարության դեպք է գրանցվել։ Դանակահարվածն ասել է, որ վիճել է Արզնիի ձորում, սակայն ոստիկանները պարզել են, որ դեպքը եղել է Երևանում, դանակահարողն էլ 19 տարեկան է։

ԵՐԵՎԱՆ, 1 հունիսի — Sputnik. Ոստիկանները հայտնաբերել են «Թումոյի» այգում անչափահասին դանակահարած անձին։ Այս մասին հայտնում է ՀՀ ոստիկանության մամուլի ծառայությունը։

«Մայիսի 29-ին, ժամը 04.10-ին, ոստիկանության Կոտայքի բաժնում հիվանդանոցից հաղորդում է ստացվել, որ «կրծքավանդակի ձախ կողային մակերեսի թափանցող կտրած վերք» ախտորոշմամբ բուժօգնության է դիմել Երևանի 17-ամյա մի բնակիչ։ Նրա մայրը հայտնել էր, որ «Արզնի» ձորում որդուն դանակով հարվածել են»,–հայտնում են ոստիկանությունից։

Հիվանդանոց մեկնած ոստիկաններին տուժողը հայտնել է, որ մայիսի 28-ին, ժամը 23.30-ի սահմաններում, մոր և քրոջ հետ «Արզնի» ձորում քայլելու ժամանակ իրեն անծանոթ անձը բարձրաձայն հայհոյանքներ է հնչեցրել։ Հետո վիճաբանություն է ծագել, որի ժամանակ իրեն դանակով հարվածել են:

Ձեռնարկված միջոցառումների արդյունքում պարզվել է, որ տղային դանակահարել են Երևան քաղաքի «Թումոյի» այգի կոչվող տարածքում:

Քրեական հետախույզները օպերատիվ տվյալներ են ստացել, որ մարմնական վնասվածքը պատճառել է 19-ամյա Անուշավան Հ․-ն։ Բացատրական աշխատանքների շնորհիվ մայիսի 31-ին, ժամը 13.00-ին նա ինքնակամ ներկայացել է ոստիկանության բաժին, ապա ներկայացվել քննչական բաժին։

Անուշավան Հ․-ն ձերբակալվել է:

Ձեռնարկվում են միջոցառումներ հանցագործության գործիք դանակը հայտնաբերելու ուղղությամբ: Կատարվում է նախաքննություն:

Ըստ թեմայի

Երևանում 3 երիտասարդի են դանակահարել. պատճառը սիրած աղջի՞կն է
Ողբերգական ավտովթար. ՊՆ պայմանագրային զինծառայողի դին հայտնաբերվել է ավտոմեքենայից դուրս
Ավազակային հարձակում Մասիսում. դանակը դրել է վաճառողուհու պարանոցին ու գումար ուզել
Արփա գետն ընկած երեխայի դին հայտնաբերեցին. մանրամասներ
թեգերը:
դանակահարություն, Երևան, Հայաստան

Գլխավոր թեմաներ