ԵՐԵՎԱՆ, 12 հունիսի — Sputnik. Հունիսի 12-ին, ժամը 15:33-ին «911» ծառայությունն ահազանգ է ստացել, որ Երևանում, ոստիկանության 6-րդ վարչության դիմաց ռումբ է տեղադրված: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
«Դեպքի վայր են մեկնել ԱԻՆ Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը, ինչպես նաև հատուկ նշանակության փրկարարական աշխատանքների իրականացման կենտրոնի փրկարարական ջոկատը և կինոլոգը»,– նշված է հաղորդագրության մեջ։
Դեպքի վայրում են քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի սակրավորական խումբը:
Ավելի ուշ ԱԻՆ–ը հայտնեց, որ ռումբ չի հայտնաբերվել։