ԵՐԵՎԱՆ, 12 հունիսի — Sputnik. Երևան քաղաքում՝ ոստիկանության 6-րդ վարչության դիմաց, ռումբ այդպես էլ չի հայտնաբերվել։ Այս մասին հայտնում է ՀՀ արտակարգ իրավիճակների նախարարությունը։
12 հունիսի 2019, 17:29
Ինչպես արդեն հայտնել էինք, հունիսի 12-ին, ժամը 15:33-ին «911» ծառայությանը տեղեկություն է հաղորդվել, որ Երևան քաղաքում՝ ոստիկանության 6-րդ վարչության դիմաց ռումբ է տեղադրված։
«Ոստիկանության աշխատակիցներն ու կինոլոգիական խումբը տեղազննել են տարածքը. արդյունքում պայթուցիկ սարք չի հայտնաբերվել»,–հայտնում են ԱԻՆ–ից։
Նշենք, որ դեպքի վայր էին մեկնել Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը։
