ԵՐԵՎԱՆ, 25 հունիսի – Sputnik. Քիչ առաջ սարսափելի պատահար է տեղի ունեցել Երևանի Նուբարաշեն վարչական շրջանում։ «Ֆորդ» մակնիշի ամենագնացը վրաերթի է ենթարկել հենց Նուբարաշենում ապրող 72-ամյա մի կնոջ։ Նա տեղում մահացել է։
Վարորդը չի լքել վթարի վայրը և հավաքվածների հետ փորձել է օգնել վրաերթի ենթարկվածին։
Մահվան ելքով վրաերթ Երևանում. տղամարդը մահացել է հիվանդանոցում
Այս պահին տեղում աշխատում են ոստիկանության և քննչական կոմիտեի ծառայողները։ Նախնական տվյալներով` կինը փողոցն անցել է հետիոտնային անցումով։
Նրա դին ընկած է հենց անցման մոտ։
Sputnik Արմենիայի տեղեկություններով` կինը Ֆրանսիայի քաղաքացի է, ժամանակավորապես էր բնակվում Երևանում, մոտ երկու շաբաթ առաջ անձնական գործերով եկել էր Հայաստան։
Վարորդը ևս Ֆրանսիայի քաղաքացի է, բնակվում է Նոր Խարբերդում, 72 տարեկան է։ Իրավապահները ստուգել են նրա սթափության աստիճանը, պարզվել է, որ ալկոհոլ օգտագործած չի եղել։
Վրաերթ Երևանում. կինը մահացել է՝ այդպես էլ գիտակցության չգալով
