21:17 22 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Ատրճանակ

Մասիվցի Անդիկի սպանության վայրում հայտնաբերվել են պարկուճներ և փամփուշտ. մանրամասներ

© Sputnik / Asatur Yesayants
Պատահարներ
Ստանալ կարճ հղումը
Վթար, պատահար, սպանություն, գողություն (1580)
969 0 0

Քննչական կոմիտեն հայտնում է, որ օրենքով գող» Մասիվցի Անդիկի սպանության դեպքի առնչությամբ քրեական գործ է հարուցվել։

ԵՐԵՎԱՆ, 3 հուլիսի — Sputnik. Երևանում սպանված «օրենքով գող», 46 տարեկան Մասիվցի Անդիկի` Անդրանիկ Հարությունյանի սպանության վայրում հայտնաբերվել են պարկուճներ, 1 փամփուշտ, արնանման հետքեր։ Այս մասին հայտնում է ՀՀ քննչական կոմիտեի մամուլի ծառայությունը։

Ինչպես արդեն հայտնել էինք, Հարությունյանը սպանվել էր երեկ երեկոյան Նոր Նորքի Միկոյան փողոցում՝ թիվ 19 շենքի բակի տաղավարում։ Անհայտ անձը հրազենով կրակահերթ էր արձակել նրա ուղղությամբ ու հեռացել։ Օգնության հասած անձինք շտապօգնություն էին ահազանգել։

«Սպանության հանգամանքները պարզելու ուղղությամբ ՀՀ քննչական կոմիտեի Ավան և Նոր Նորք վարչական շրջանների քննչական բաժնում քննություն է տարվում։ Նախնական տվյալներով՝ հուլիսի 2-ին՝ ժամը 23:10-ին, «Սուրբ Գրիգոր Լուսավորիչ» ԲԿ–ից ոստիկանության Նոր Նորքի բաժին ահազանգ է ստացվել, որ հրազենային վնասվածքով իրենց մոտ է բերվել 1973–ին ծնված Անդրանիկ Հ.-ի դիակը»,–նշված է քննչական կոմիտեի հաղորդագրության մեջ:

Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի` սպանության, և 235-րդ հոդվածի 1-ին մասի հատկանիշներով, այն է` ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը։

Կազմվել է քննչական խումբ, մշակվել քննչական պլան: Կատարվել է դեպքի վայրի զննություն, որի ժամանակ հայտնաբերվել են պարկուճներ, 1 փամփուշտ, արնանման հետքեր, վերցվել նմուշներ: Առգրավվել են դեպքի պահին տուժողի հագին եղած հագուստները, որոնց վրա առկա են եղել արնանման հետքեր:

Քրեական գործով էական նշանակություն ունեցող հանգամանքները պարզելու նպատակով նշանակվել են դիակի դատաբժշկական, դատաձգաբանական, դատահետքաբանական փորձաքննություններ:

Երևանում հնչած կրակոցների և վիճաբանության մասնակիցների ինքնությունը հայտնի է. տեսանյութ

Նախաքննությունը շարունակվում է: Ձեռնարկվում են անհետաձգելի գործողություններ՝ սպանության բոլոր հանգամանքները պարզելու, առերևույթ հանցագործություն կատարած անձին (անձանց) հայտնաբերելու և նրա (նրանց) գործողություններին քրեաիրավական գնահատական տալու ուղղությամբ:

Կրակոցներ Առատաշենում. սպանվածները քույր ու եղբայր են

թեմա:
Վթար, պատահար, սպանություն, գողություն (1580)

Ըստ թեմայի

Շիրակում 42-ամյա տղամարդը կտրել է կոկորդը. սա ինքնասպանության առաջին փորձը չէ՞
Ինքնասպանություն անքնության պատճառո՞վ. Աշտարակում 93–ամյա տղամարդ է կախվել
Արտառոց դեպք Երևանում. հիվանդը դանակով հարձակվել է շտապօգնության բժշկի վրա, որ սպանի
թեգերը:
Սպանություն, կրակոց, Հայաստան

Գլխավոր թեմաներ