ԵՐԵՎԱՆ, 11 հուլիսի – Sputnik. Երևան-Երասխ ճանապարհին հուլիսի 6-ին տեղի ունեցած ողբերգական վթարից հետո Երևանի Ճառագայթային բժշկության և այրվածքների հանրապետական գիտական կենտրոն տեղափոխված Երասխ գյուղի բնակիչ, 20-ամյա Ծաղիկ Համբարձումյանը մահացել է: Այս մասին news.am-ի հետ զրույցում ասել է բժշկական կենտրոնի վերակենդանացման բաժանմունքի վարիչ Կարինե Բաբայանը։
Նա նշել է, որ աղջկա ստացած վնասվածքներն անհամատեղելի էին կյանքի հետ:
Ողբերգությունն անուն ունի՝«համատարած բառադիություն», կամ մեքենաներ, թե լիցքավորված ռումբեր
Հիշեցնենք` հուլիսի 6-ին, ժամը 15:00-ի սահմանում Երևան-Մեղրի ավտոճանապարհի 54-րդ կիլոմետրում՝ կամրջի վրա, միմյանց էին բախվել «ԳԱԶԵԼ», «Տոյոտա Հիլուքս» և «ՎԱԶ 21063» մակնիշի ավտոմեքենաները, որի հետևանքով հրդեհ էր բռնկվել «ԳԱԶԵԼ» մակնիշի ավտոմեքենայում, այնուհետև հրդեհը տարածվել էր «Տոյոտա Հիլուքս» մակնիշի և «ՎԱԶ 21063» մակնիշի ավտոմեքենաներում։
«ԳԱԶԵԼ» մակնիշի ավտոմեքենայի վարորդը և հինգ ուղևորները տեղում մահացել էին, մյուս ուղևորները, ինչպես նաև «Տոյոտա Հիլուքս» մակնիշի ավտոմեքենայի վարորդն ու ուղևորները՝ ընդհանուր թվով 11 մարդ, մարմնական տարբեր վնասվածքներով տեղափոխվել էին բժշկական կենտրոններ:
«Տոյոտա Հիլուքս» մակնիշի ավտոմեքենայի վարորդին մեղադրանք է առաջադրվել. նրա նկատմամբ որպես խափանման միջոց ընտրվել է կալանավորումը:
Արարատի սարսափելի վթարի հետքերով. մոխրացած դիակներից մեկի ինքնությունը դեռ չեն պարզել
