08:45 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
Մասիվցի Անդիկի սպանության վայրը

Մասիվցի Անդիկի սպանության գործով քրեական հեղինակություններ են հարցաքննվել. «Ժողովուրդ»

© Sputnik / Stringer
Պատահարներ
Ստանալ կարճ հղումը
108 0 0

Հարցաքննվածներից մի քանիսը հետաքրքրվել են՝ արդյո՞ք սպանությունն արդեն բացահայտված է, բայց իրավապահները լռում են։

ԵՐԵՎԱՆ, 12 հուլիսի — Sputnik. «Օրենքով գող» Մասիվցի Անդիկի` Անդրանիկ Հարությունյանի սպանության գործի շրջանակներում ՀՀ ոստիկանություն են բերման ենթարկվել մի շարք քրեական հեղինակություններ։ Այս մասին տեղեկանում ենք «Ժողովուրդ» օրաթերթից։

«Ոստիկանությունում քրեական հեղինակություններից հետաքրքրվել են` ինչ վարկած ունեն, ինչին ի պատասխան շատերը հայտնել են, թե չգիտեն՝ ինչը կարող է պատճառ դառնալ, որ Անդիկին սպանեին և գուցե կատարվածը 10-15 տարի առաջվա վրեժխնդրության, հիշաչարության դրսևորո՞ւմ է»,–գրում է թերթը։

Ըստ պարբերականի` քրեական տարրերից մի քանիսն էլ հետաքրքրվել են՝ արդյո՞ք սպանությունն արդեն բացահայտված է, բայց իրավապահները լռում են, որպեսզի «օրենքով գողերը» հաշվեհարդար չտեսնեն մարդասպանի կամ պատվիրատուի հետ:

Հիշեցնենք, որ հուլիսի 2-ի գիշերը ոստիկանությունն ահազանգ էր ստացել, որ Նոր Նորքի հիվանդանոց է տեղափոխվել 46-ամյա Անդրանիկ Հարությունյանի դին:

Ոստիկանության տարբեր ստորաբաժանումների օպերատիվ խմբերը հետախուզական միջոցառումների արդյունքում պարզել էին, որ տղամարդը հիվանդանոց էր տեղափոխվել Նոր Նորքի 5-րդ զանգվածից։ Ոստիկանության փորձաքրեագետների և քննչական կոմիտեի ծառայողների կողմից դեպքի վայրը մանրակրկիտ զննվել էր։ Մասիվցի Անդիկի` Անդրանիկ Հարությունյանի սպանության վայրում հայտնաբերվել էին պարկուճներ, 1 փամփուշտ, արնանման հետքեր։

Մասիվցի Անդիկի սպանության վայրում հայտնաբերվել են պարկուճներ և փամփուշտ. մանրամասներ

 

Ըստ թեմայի

Կրակոցներ Առատաշենում. սպանվածները քույր ու եղբայր են
Մորը դաժանաբար սպանած տղամարդը հաշվառված է հոգեբուժարանում. Գյումրու սպանության հետքերով
Սպանել են ու թալանել. ԱԱԾ–ն հայտնաբերել է բանդայի անդամներից մեկին
Դիլիջանում երիտասարդին դաժանաբար սպանողը 27 տարեկան է. նրան ձերբակալել են
թեգերը:
օրենքով գող, Ոստիկանություն, Սպանություն, Հայաստան

Գլխավոր թեմաներ