09:39 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Վթար, արխիվային լուսանկար

Ողբերգական վթար ՌԴ–ում. կրկին հայեր են մահացել, զոհերի թվում 4 և 6 տարեկան երեխաներ կան

© Sputnik / Stringer
Պատահարներ
Ստանալ կարճ հղումը
1680 0 0

Մեքենան կորցրել է կառավարումը, դուրս է եկել երթևեկելի գոտուց ու բախվելով ծառին։ Ընտանիքի բոլոր անդամները մահացել են։ Կինը երեխաների հետ գնացել էր ամուսնու մոտ հանգստանալու։

ԵՐԵՎԱՆ, 17 հուլիսի — Sputnik. Երեկ Ռուսաստանի Կրասնոդարի մարզում ողբերգական ավտովթար է տեղի ունեցել, որի զոհ է դարձել հայերի 4 հոգանոց ընտանիքը։ Այս մասին հայտնում է Kubnews.ru–ն։

««Ford» մակնիշի մեքենան կորցրել է կառավարումը, դուրս է եկել երթևեկելի գոտուց՝ բախվելով ծառին։ Վթարի հետևանքով զոհվել է 4 անձ, այդ թվում՝ 2 երեխա։ Վթարի հետևանքով մահացածները Կրասնոդարի են եկել Հայաստանից»,– նշված է կայքում։

Sputnik Արմենիայի տեղեկություններով` տուժածները Շիրակի մարզի Լեռնակերտ համայնքի բնակիչներ են։ Համայնքի ղեկավար Մովսես Մովսիսյանը մեզ հետ զրույցում նշեց, որ վթարի զոհ են դարձել 32-ամյա վարորդը, նրա 28-ամյա կինը, 4 և 6 տարեկան դուստրերը։ Ի դեպ, աղջիկներից մեկը դպրոց էր հաճախում, մյուսը` մանկապարտեզ։

«Ընտանիքի հայրը վերջին շրջանում արտագնա աշխատանքի համար էր գնում Կրասնոդար։ Գնում–գալիս էր։ Այս անգամ էլ որոշել էր ընտանիքին հետը տանել, որ մի քիչ հանգստանան։ Կինն ու երկու աղջիկները մի քանի օր առաջ էին գնացել նրա մոտ։ Ամուսինն այնտեղ ուզում էր գործ դնել, որ աշխատի, տունը պահի։ Նրանք ամուսնու հոր ու մոր հետ էին ապրում»,–ասաց նա։

Համայնքի ղեկավարի խոսքով` թե՛ կինը, թե՛ ամուսինը ծնվել–մեծացել են իրենց գյուղում, և նրանց ծնողներն էլ իրենց համայնքի բնակիչներ են։

Հիշեցնենք` տասը օր առաջ` հուլիսի 7-ին, կրկին հայեր էին մահացել Վրաստանում տեղի ունեցած ավտովթարի հետևանքով։ «Mercedes» մակնիշի ավտոմեքենան բախվել էր արգելապատնեշին և բռնկվել։ Վթարի հետևանքով 3 մարդ, որոնցից 2–ը` անչափահաս, մահացել էին, 5–ը` վնասվածքներով տեղափոխվել հիվանդանոց։ Բոլոր տուժածներն այժմ Հայաստանում են բուժում ստանում։ Վթարի հետևանքով մահացել էին վարորդի մայրը, նրա 15-ամյա որդին և նրանց սանիկը` 7-ամյա մի երեխա:

Ըստ թեմայի

Կարգազանց վարորդները պետք է հեռացվեն երթևեկությունից. Փաշինյանը խոսեց վերջին վթարներից
Ինչպես խուսափել վթարների դեպքում հնարավոր զոհերից. Արսեն Թորոսյանն առաջարկներ ներկայացրեց
Վթար Լոռու մարզում. բախվել են «ԳԱԶելն» ու «ՎԱԶ-2199»–ը. տուժածներ կան
Վրաստանի ողբերգական վթարից հետո Հայաստան տեղափոխված 16-ամյա աղջկան վիրահատել են
թեգերը:
հայեր, Մահ, վթար, Ռուսաստան

Գլխավոր թեմաներ