15:34 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Հրդեհ. արխիվային լուսանկար

Խոշոր հրդեհ «Արևիկ» ազգային պարկի տարածքում. մոտ 300-400 տարեկան գիհիներ են այրվում

© Sputnik / Rouben Abrahamyan
Պատահարներ
Ստանալ կարճ հղումը
Վթար, պատահար, սպանություն, գողություն (1821)
301 0 0

ԱԻՆ-ը տեղում աշխատում է, սակայն ուղղաթիռ կիրառելու իմաստ, ըստ նախնական գնահատականների, չկա։

ԵՐԵՎԱՆ, 11 օգոստոս — Sputnik. Այս պահին մոտ 10 հեկտար գիհու անտառ է վառվում Մեղրու տարածաշրջանի «Արևիկ» ազգային պարկի տարածքում։

Այս լուրը` վառվող անտառի լուսանկարներով Facebook-յան իր էջում հրապարակել է բնապահպան լրագրող Նարինե Կիրակոսյանը։

«Կրակը բռնվել է ճանապարհի եզրից։ Հավանական է ինչ-որ մեկը չհանգած ծխախոտ նետած լինի և դրանից հրդեհը բռնկված լիներ։ Սա նախնական վարկածն է։ Կրակը շատ արագ է առաջ գնում։ Վառվում են 2-3 մետրանոց գիհիներ։ Դրանք մոտ 300-400 տարեկան կարող են լինել։ Գիհիները իրենց խեժային կառուցվածքով դյուրավառ են։ ԱԻՆ-ը տեղում է, սակայն ուղղաթիռ կիրառելու իմաստ, ըստ նախնական գնահատականների, չկա, քանի որ հրդեհաշիջման համար փրկարարների ուղղաթիռը մոտ 1400 լիտրի ջրի տարողունակություն ունի։ Դա շատ քիչ է։ Տեղի անանցանելիությունը, ըստ «Արևիկ» ազգային պարկի տնօրեն Գագիկ Գևորգյանի, անհնարին է դարձնում հողային հրդեհաշիջման աշխատանքները»,–գրել է Կիրակոսյանը։

ՀՀ ԱԻՆ մամուլի ծառայությունն էլ հաղորդում է, որ օգոստոսի 11-ին, ժամը 16:03-ին «911» ծառայությանն ահազանգ է ստացվել, որ հրդեհ է բռնկվել Լեհվազ-Վարդանիձոր ավտոճանապարհին գտնվող անտառում:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Ժամը 16:50-ին դեպքի վայր է մեկնել ԱԻՆ ՓԾ հրշեջ-փրկարարական ջոկատից ևս մեկ մարտական հաշվարկ՝ 9 հրշեջ-փրկարարով:Հրդեհաշիջման աշխատանքներին մասնակցում է նաև «Արևիկ» ազգային պարկի 5 աշխատակից:

Օրերս Sputnik Արմենիայի հետ զրույցում ՀՀ ԱԻ նախարար Ֆելիքս Ցոլակյանը նշեց, որ շատ հրդեհների բռնկման մեջ մեծ է մարդկային գործոնի դերը։ Նա հասարակությանը հորդորեց հատկապես ամռանը զգոն և ուշադիր լինել ծխախոտի մնացորդի և այլ հրդեհավտանգ իրերի հետ առնչվելիս։

թեմա:
Վթար, պատահար, սպանություն, գողություն (1821)

Ըստ թեմայի

Ղրղըզստանի նախկին նախագահի նստավայրի գրոհի ժամանակ հրդեհ է բռնկվել. տեսանյութ
Հրդեհ է բռնկվել Բաքվի ամենախոշոր առևտրի կենտրոնում
«Շիրակ» օդանավակայանի մոտակայքում հրդեհ է բռնկվել
թեգերը:
ծառ, ՀՀ արտակարգ իրավիճակների նախարարություն (ԱԻՆ), հրդեհ, Անտառ, Հայաստան

Գլխավոր թեմաներ