23:41 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Հրդեհ «Ձյունիկ սառնարան» ՍՊԸ-ում

Վերջը չի երևում. «Ձյունիկ սառնարանում» բռնկված հրդեհը դեռ չի մարվել. Ցոլակյան (տեսանյութ)

© Sputnik / Asatur Yesayants.
Պատահարներ
Ստանալ կարճ հղումը
642 0 0

Նախարարը կարծում է, որ «Ձյունիկ սառնարանում» հրդեհի առաջացման հիմքում մարդկային գործոնն է։

ԵՐԵՎԱՆ, 20 օգոստոսի — Sputnik. Արտակարգ իրավիճակների նախարար Ֆելիքս Ցոլակյանի խոսքով`«Ձյունիկ սառնարան» ՍՊԸ-ի տարածքում բռնկված հրդեհի վերջը չի երևում։ Այս մասին հայտնել է Արտակարգ իրավիճակների նախարար Ֆելիքս Ցոլակյանը։

Ընկերությունում հրդեհը բռնկվել էր դեռ երեկ կեսօրին։

«5 հարկանի շենք է, բավական շատ սարքավորումներ կան ներսում։ Հիմնականում 4-5–րդ հարկերն են վառվել։ Փորձում ենք տանիքից անցքեր բացեր, որ ջուր լցնենք ներսում, եթե հնարավոր լինի, նաև այդ անցքերից հրշեջներ ներս կմտնեն։ Հրշեջները հերոսական աշխատանք կատարեցին երեկվա ու այսօրվա ընթացքում, չնայած դեռ հրդեհի վերջը չի երևում»,–ասաց նախարարը։

Անդրադառնալով հրդեհի առաջացման պատճառներին` Ցոլակյանը նշեց, որ հետաքննությունն ավարտված չէ, սակայն իր կարծիքով` մարդկային գործոնն է հրդեհի առաջացման պատճառը։ Նախարարի խոսքով` այն անզգուշության հետևանքով է բռնկվել։

Ինչ վերաբերում է հրդեհի պատճառած վնասին, ապա այն դեռ չի պարզվել, քանի որ կան ապրանքատեսակներ, որ ծխահարվել են, կան, որ ոչինչ էլ չի եղել։

Նախարարը հայտնեց նաև, որ այս պահին փորձում են մարել 5–րդ հարկի կրակը, ինչն ամենադժվարն է, քանի որ ներսի ջերմաստիճանը շատ բարձր է։

Հիշեցնենք, որ Ցոլակյանը շարունակում է տեղում ղեկավարել «Ձյունիկ սառնարան» ՍՊԸ-ի տարածքում բռնկված հրդեհի մարման աշխատանքները:

Հրդեհաշիջման աշխատանքներում ներգրավված են ԱԻՆ Երևան քաղաքի փրկարարական վարչության հրշեջ-փրկարարական ջոկատից 11 մարտական հաշվարկ:

Ըստ թեմայի

Մեղրու շրջանում կրկին կարող է հրդեհ բռնկվել. ԱԻՆ նախարար
Խոշոր հրդեհ «Արևիկ» ազգային պարկի տարածքում. մոտ 300-400 տարեկան գիհիներ են այրվում
Հրդեհ է բռնկվել Մալաթիա-Սեբաստիայի մրգի շուկայում
Սարսափելի հրդեհ Օդեսայի հյուրանոցներից մեկում. կան զոհեր և վիրավորներ. տեսանյութ
Հրդեհ Այնթապ գյուղում. տեսանյութ
թեգերը:
փրկարար, հրդեհ, ՀՀ արտակարգ իրավիճակների նախարարություն (ԱԻՆ), Ֆելիքս Ցոլակյան, Հայաստան

Գլխավոր թեմաներ