19:05 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Հրդեհ. արխիվային լուսանկար

Սյունիքում բռնկված հրդեհը դեռևս չի հաջողվել մարել. այն շարունակում է տարածվել. տեսանյութ

© Sputnik / Karen Yepremyan
Պատահարներ
Ստանալ կարճ հղումը
Վթար, պատահար, սպանություն, գողություն (1716)
32 0 0

Սյունիքի հարավում առավոտից բռնկված հրդեհը դեռևս չի հաջողվել մարել. այն շարունակում է տարածվել։

ԵՐԵՎԱՆ, 26 օգոստոսի — Sputnik. «ՍՈՍ» հաղորդման ռեժիսոր Հայկ Բարսեղյանը Facebook-ի իր էջում տեսանյութ է հրապարակել Սյունիքի մարզի Ծավ գյուղում բռնկված մոլեգին հրդեհի դեպքի վայրից։ Տեսանյութը` մտահոգիչ մեկնաբանություններով, տարածել է ավելի քան հազար օգտատեր։

Sputnik Արմենիայի հետ զրույցում ԱԻՆ-ից նշեցին, որ այսօր առավոտյան բռնկված հրդեհը այժմ մոտենում է Շիկահողի արգելոցին և շարունակում է տարածվել։

«Դեռևս փրկարարներին չի հաջողվել մեկուսացնել հրդեհը։ Այժմ տեղում երկու մարտական հաշվարկ է աշխատում, ինչպես նաև «Հայանտառի», «Զանգեզուրի կենսոլորտային համալիրի» ՊՈԱԿ-ի աշխատողները, զորամասի զինծառայողները»,- ասացին ԱԻՆ-ից։

Ֆեյսբուքում տարածված տեսանյութում Հայկ Բարսեղյանը պատմում է, որ ԱԻՆ-ից ընդամենը մեկ մեքենա է տեսնում և մոտակա հանքերի և այլ հիմնարկների աշխատողներին հրավիրում է միանալ հրդեհաշիջման աշխատանքներին։

Հրշեջ փրկարարի` կյանքի հետ «խաղն» ու ցածր աշխատավարձը. ինչ էր խոստացել Փաշինյանը

«Մենք երևի ամեն օր մեր աշխատանքներից բողոքող քաղաքացիների ենք բախվում, ինչը անհասկանալի է, քանի որ ԱԻՆ-ի յուրաքանչյուր աշխատող շատ սրտացավորեն է մոտենում մեր ամեն ծառին ու ջրին։ Կարծում եմ` իրապես սրտացավ մարդը հրդեհը չի նկարի, որովհետև զբաղված կլինի այն հանգցնելուն օգնելով։ Իսկ ինչ վերաբերում է հավելյալ ուժերին՝ եթե անհրաժեշտություն լինի, նրանք կլինեն տեղում»,- նշեց ԱԻՆ-ի մամուլի խոսնակ Էդմոն Զարգարյանը։

Նշենք, որ հրդեհն ընդգրկում է մոտ երկու հեկտար  տարածք։

 

թեմա:
Վթար, պատահար, սպանություն, գողություն (1716)

Ըստ թեմայի

«Մալաթիա մոլում» բռնկված հրդեհը մարվել է
«Բոլոր հրդեհների մեջ 90 տոկոսից ավելի կա մարդկային ֆակտորը». ԱԻ նախարար
Խոսրովի անտառ տանող ճանապարհի հրդեհը մեկուսացվել է. տեսանյութ
թեգերը:
տեսանյութ, հրշեջ, Սյունիք, հրդեհ, Հայաստան

Գլխավոր թեմաներ