ԵՐԵՎԱՆ, 3 սեպտեմբերի — Sputnik. Գյումրիում դանակահարության հետևանքով երկու տղամարդ է տուժել: Այդ մասին հայտնում է ArmDay.am -ը:
Ըստ տեղեկությունների` դեպքը տեղի է ունեցել սեպտեմբերի 2-ի երեկոյան: Ժամը 21: 00-ի սահմաններում Գյումրու բժշկական կենտրոն են տեղափոխվել 52-ամյա Իսահակ Ա.-ն և նրա ազգականը՝ 21-ամյա Ռազմիկ Ա.-ն։ Կրծքավանդակի շրջանում վիրավորում ստացած քաղաքացիներին վիրահատել են:
Նախնական տվյալներով ՝ տղամարդիկ վիրավորվել են Անի թաղամաս տանող մայրուղու վրա: Միջադեպի պատճառներն ու մանրամասները դեռ հայտնի չեն:
Նշվում է, որ վիրավորներին հարազատներն են հիվանդանոց տեղափոխել:
