22:50 12 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Վանաձոր

Վանաձորյան սարսափելի սպանության հետքերով. ոստիկանությունը նոր մանրամասներ է հայտնում

© Sputnik / press office of the Police of RA
Պատահարներ
Ստանալ կարճ հղումը
Վթար, պատահար, սպանություն, գողություն (2000)
781 0 0

Վանաձորում տեղի ունեցած աղմկահարույց վիճաբանության մասնակիցներից երկուսն արդեն խոստովանական ցուցմունք են տվել։

ԵՐԵՎԱՆ, 12 հոկտեմբերի — Sputnik. Վանաձորում 3 մարդու մարդու մահվան պատճառ դարձած վիճաբանության պատկերն ամբողջանում է։ ՀՀ ոստիկանությունը հայտնում է, որ հայ–վրացական սահմանին հայտնաբերել ու բերման են ենթարկել 39-ամյա մի տղամարդու: Նա խոստովանել է, որ հոկտեմբերի 4-ին Վանաձորի Միչուրինի 20 հասցեի նկուղում տեղի ունեցած վիճաբանության ժամանակ ինքնաձիգով կրակել է 2 հոգու ուղղությամբ և փախել:

 Նույն օրը, ժամը 10.49-ին տղամարդը ձերբակալվել է:

Հիշեցնենք` դեպքը տեղի էր ունեցել հոկտեմբերի 4-ին, ժամը 23:55-ին։

Դեպքի վայր մեկնած քննչական-օպերատիվ խումբը շենքի նկուղում հայտնաբերել էր 1989 թվականին ծնված երկու երիտասարդի դի (հրազենային վնասվածքներով, ևս 6 հոգի մարմնական վնասվածքներով տեղափոխվել էին Վանաձորի բժշկական կենտրոն: Նրանցից մեկը՝ 1994 թվականին ծնված երիտասարդը, հիվանդանոցի ճանապարհին մահացել էր։

Սպանվածների թվում էր նաև Վանաձորում որպես քրեական հեղինակություն հայտնի «ոչխարագողի տղա Անդրուշիկը», որը նախկինում դատապարտվել էր սպանության համար։

Սպանություն Երևանում. զոհը երիտասարդ տղա է

Դեպքից հետո բերման էր ենթարկվել վիճաբանության մեկ այլ մասնակից`46-ամյա տղամարդ, որը ևս խոստովանել էր, որ սպանություն կատարելու դիտավորությամբ իր «Մակարով» ատրճանակից կրակել է վիճաբանությանը ներկա անձանց ուղղությամբ։

«Մակարով» տեսակի ատրճանակը, որի գործարանային համարը ջնջված էր, դեպքից հետո հայտնաբերել էին ոստիկանները։

Դեպքի վայրի զննության ժամանակ հայտնաբերվել էին արնանման հետքեր, վերցվել նմուշներ: Հայտնաբերվել էին նաև  5,45 մմ 6 պարկուճ, 2 գնդակ/, 9մմ 4 պարկուճ և 2 գնդակ, 9մմ գազային փամփուշտ և նույնատիպ 2 փամփուշտներ՝ պահունակի մեջ, դանակներ, կանեփ բույսի նմանվող չորացված զանգված:

Նշենք, որ ոստիկանության տարածած պաշտոնական հաղորդագրության համաձայն` կրակոցների հետևանքով մահացածներն են Վանաձոր քաղաքի բնակիչներ 30-ամյա Անդրանիկ Օհանյանը, 30-ամյա Գոռ Գրիգորյանը և 25-ամյա Դավիթ Օհանյանը, վիրավորները` 26-ամյա Գևորգ Գևորգյանը, 29-ամյա Լևոն Ժամհարյանը, 25-ամյա Լևոն Խաչատրյանը և 21-ամյա Անդրանիկ Թադևոսյանը:

Սպանության հերթական դեպքը. միջին տարիքի տղամարդը մահացել է Երևանում

թեմա:
Վթար, պատահար, սպանություն, գողություն (2000)

Ըստ թեմայի

Սպանության փորձի կասկածյալը ձերբակալվել է. մանրամասներ վանաձորյան կրակոցներից. տեսանյութ
«Նա չէր սպանի». գյումրեցի տղամարդը` 1 տարեկան դստեր սպանության մեջ մեղադրվող հարսի մասին
ԵՄԿ փոխնախագահի սպանության գործի նախաքննությունն ավարտվել է
թեգերը:
Ոստիկանություն, Սպանություն, Վանաձոր, Հայաստան

Գլխավոր թեմաներ