14:32 05 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Պատահարներ
Ստանալ կարճ հղումը
296 0 0

47-ամյա կինը մահացել է վիրահատական սեղանին, կեսարյան հատման ժամանակ։ Բժիշկները 1.5 ժամ պայքարել են նրա կյանքը փրկելու համար։

ԵՐԵՎԱՆ, 14 հոկտեմբերի — Sputnik. «Էրեբունի» բժշկական կենտրոնում ծննդաբերության ժամանակ 47-ամյա ծննդկան է մահացել։ Այս մասին հայտնում է ԲԿ–ի մամուլի ծառայությունը։

Պաշտոնական հաղորդագրության համաձայն` կինը երկվորյակի էր սպասում, հղիության 35-րդ շաբաթում էր։ Կեսարյան հատման ժամանակ, երբ երկրորդ պտղին են դուրս բերել, կնոջ ինքնազգացողությունը կտրուկ վատացել է, ճնշումն ընկել, շնչառության կանգ է գրանցվել։

«Անմիջապես միացվել է արհեստական շնչառական սարքին, հրավիրվել են ռեանիմատոլոգներ և հարակից բոլոր նեղ մասնագետները, իրականացվել են սիրտ-թոքային վերակենդանացման բոլոր միջոցառումներն, ինչպես նաև անմիջապես կատարվել է հակամակարդիչների ներարկում: Մեկ ու կես ժամ ցուցաբերված միջոցառումներից հետո գրանցվել է կնոջ կենսաբանական մահը: Ախտորոշվել է թոքային զարկերակի թրոմբոէմբոլիա, սիրտ-թոքային անբավարարություն և թոք-սրտային անբավարարություն, «օձիք»-ի համախտանիշ՝ պարանոցի, գլխի և վերին վերջույթների տոտալ ցիանոզով», – նշել են ԲԿ–ի մամուլի ծառայությունից։

Արարատի մարզում հղի կինն ինքնասպանության փորձ է արել

Միևնույն ժամանակ երեխաներին հաջողվել է փրկել. ծնվել է զույգ երեխա՝ տղա և աղջիկ, համապատասխանաբար 1կգ 880 գ, 45 սմ հասակով և 2կգ 40 գ, 45 սմ հասակով: Ծնվելու պահին երեխաներն ունեցել են շնչառական խնդիրներ։ Նրանք համապատասխան բուժում են ստացել, վիճակը գնահատվում է կայուն, նորածնային ինտենսիվ թերապիայի բաժանմունքում ստանում են նորածնային խնամք:

Spuntik Արմենիայի թղթակիցը մեծ հոդված է պատրաստում արհեստական բեղմնավորման մասին` «Երեխաները փորձանոթից. դրական և բացասական կողմերը» վերնագրով։ Հանգամանքների բերումով հերոսուհիներից մեկը պետք է լիներ «Էրեբունի» ԲԿ–ում մահացած ծննդկանը։ Նա իր անունը չհրապարակելու պայմանով համաձայնել էր ներկայացնել իր պատմությունը։

Կինը պատմել էր, որ տարիքի պատճառով երկար ժամանակ չէր վճռում դիմել արտամարմնային բեղմնավորման, սակայն մայր դառնալու վաղեմի երազանքն ի վերջո հաղթել էր։

Երեխաները հայր չունեն, մեր հերոսուհին պատրաստվում էր երեխաներին մեծացնել մոր և եղբոր օգնությամբ։

Նորածինների պատասխանատվության բեռը, ամենայն հավանականությամբ, հիմա հենց նրանց վրա է լինելու։

Ցավոք, մեր հերոսուհիներից մեկի կյանքը ողբերգական ավարտ ունեցավ, բայց նրա անկեղծ պատմությունը ամեն դեպքում կներառվի նյութում, որը լույս կտեսնի առաջիկայում։

Բրազիլիայում հղի հարսնացուն սրտի կաթված է ստացել իր հարսանիքի օրը

Ըստ թեմայի

Սյունիքում 20 տարեկան հղի է մահացել. նա երկվորյակ պիտի լույս աշխարհ բերեր
Արմավիրում սկեսուրը ծեծել է հղի հարսին
Սարսափելի դեպք Արարատի մարզում. 28–ամյա հղի է մահացել
թեգերը:
երեխա, հղի, Մահ, Հայաստան

Գլխավոր թեմաներ