ԵՐԵՎԱՆ, 18 հոկտեմբերի – Sputnik. Այսօր՝ հոկտեմբերի 18-ին, ողբերգական ավտովթար է տեղի ունեցել Տավուշի մարզում: Ժամը 06:50-ի սահմաններում Գեղարքունիքի մարզի բնակիչ, 63-ամյա Վարուժան Սարիբեկյանը Mitsubishi մակնիշի ավտոմեքենայով Նոյեմբերյան-Ոսկեպար ավտոճանապարհի Ոսկեպար գյուղի վարչական տարածքում դուրս է եկել երթևեկելի գոտուց, բախվել ճանապարհի երկաթե արգելապատնեշներին և, մոտ 30 մետր սահելով, հայտնվել ձորակում: Այս մասին հայտնում է shamshyan.com–ը։
Վթարի հետևանքով վարորդ Վ. Սարիբեկյանը տեղում մահացել է:
Վարորդին և վիրավորին ավտոմեքենայից դուրս են բերել դեպքի վայրից ոչ հեռու ծառայություն կատարող ոստիկանության ծառայողները, իսկ օպերատիվորեն դեպքի վայր ժամանած շտապօգնության հերթապահ խումբը ուղևոր, Գեղարքունիքի մարզի բնակիչ, 58-ամյա Լարիսա Գալստյանին մարմնական վնասվածքներով տեղափոխել են «Նոյեմբերյան» բժշկական կենտրոն:
Երևանում տղամարդը կտրել է իր պարանոցը
Փրկարարները հոսանքազրկել են ավտոմեքենան և սահմանազատել տարածքը:
Փաստի առթիվ մարզային քննչական վարչությունում նյութեր են նախապատրաստվում:
Կայքի տեղեկություններով՝ վիրավորը Վ. Սարիբեկյանի կինն է, իսկ նրանք վերադառնալիս են եղել Ռուսաստանի Դաշնությունից, որտեղ բնակվում էին:
Կապանում տան փլատակների տակից դուրս են բերել նաև տանտիրոջ դիակը
