ԵՐԵՎԱՆ, 24 հոկտեմբերի — Sputnik. Երևանի վարչական շրջաններից մեկում երեկ կրակոց է հնչել։
Sputnik Արմենիայի տեղեկություններով` թիրախը եղել է շենքերից մեկի բակում կայանված մեքենան։ Ըստ թաղամասում շրջանառվող որոշ լուրերի՝ մի կին ահազանգել է ոստիկանություն ու տեղեկացրել, որ իր մեքենայի ապակիները կոտրված են։ Ոստիկանները ժամանել են շենքի բակ, ուսումնասիրել մեքենան, արձանագրել փաստը։
Լուրեր են պտտվում, որ ապակիների ուղղությամբ կրակել է մի երիտասարդ, որը, ամենայն հավանականությամբ՝ մեքենայի տիրոջ ծանոթներից է։ Իսկ թե երիտասարդն ինչ դրդապատճառներով է այդ քայլին դիմել, դեռ հայտնի չէ։
Մեր տեղեկություններով՝ ոստիկանության ծառայողները հայտնաբերել են այդ երիտասարդին ու բերման ենթարկել։ Դեպքի մանրամասները պարզվում են։
