22:19 12 նոյեմբերի 2019
Ուղիղ եթեր
  • USD477.40
  • GBP612.93
  • EUR526.81
  • RUB7.46
Ձերբակալում

«Շենգավիթ» բարեգործական հիմնադրամի տնօրենը 3,3 մլն դրամ է յուրացրել. նրան ձերբակալել են

CC0 / Pixabay / 3839153 / Handcuffs
Պատահարներ
Ստանալ կարճ հղումը
41 0 0

Շենգավիթի նախկին ղեկավարը 2012-2017 թթ ընթացքում հիմնադրամին դրամական օգնություն տրամադրելու վերաբերյալ պաշտոնական գրություններ է ուղարկել Շենգավիթում գործունեություն ծավալող իրավաբանական ու ֆիզիկական անձանց և հավաքագրվել է 25․000․000 դրամ։

ԵՐԵՎԱՆ, 28 Հոկտեմբեր — Sputnik. «Շենգավիթ» բարեգործական հիմնադրամի տնօրենը ձերբակալվել է` 3,3 մլն դրամ յուրացնելու կասկածանքով:

Ինչպես տեղեկացնում են ՀՀ ոստիկանության մամուլի ծառայությունից, ստացված օպերատիվ տեղեկությունների հիման վրա նախապատրաստված նյութերով փաստական տվյալներ են ձեռք բերվել, որ Շենգավիթ վարչական շրջանի նախկին ղեկավարը, առնչություն չունենալով եղբոր հիմնադրած «Շենգավիթ» բարեգործական հիմնադրմանի հետ, 2012-2017 թվականների ընթացքում հիմնադրամին դրամական օգնություն տրամադրելու վերաբերյալ պաշտոնական գրություններ է ուղարկել Շենգավիթում գործունեություն ծավալող իրավաբանական ու ֆիզիկական անձանց, ինչի արդյունքում հավաքագրվել է 25․000․000 դրամ՝ խախտվելով պետության ու կազմակերպությունների օրինական շահերը։

Նյութերի նախապատրաստման ընթացքում պարզվել է նաև, որ հիշյալ բարեգործական հիմնադրամի տնօրենը, միաժամանակ հանդիսանալով Շենգավիթ վարչական շրջանի աշխատակազմի ֆինանսական բաժնի պետը, վարչական շրջանի ղեկավարի գիտությամբ, տարբեր ծրագրեր իրականացնելու պատրվակով աշխատակազմի որոշ պաշտոնատար անձանց կողմից հիմնադրամի դրամարկղից կանխիկ գումարներ ստանալու համար կեղծ փաստաթղթեր կազմելու միջոցով, հիմնադրամի դրամարկղից ելքագրել ու հափշտակել է իրեն վստահված գումարները, քննությանն այս պահին հայտնի տվյալներով՝ ընդհանուր 3․318․000 դրամ։

Դեպքի առթիվ ոստիկանությունում քրեական գործ է հարուցվել։ «Շենգավիթ» բարեգործական հիմնադրամի տնօրենը ձերբակալվել է։ Քրեական գործն ուղարկվել է քննչական կոմիտե՝ հետագա քննության։ Հանգամանքները պարզվում են։

Ըստ թեմայի

Իրանում ռուս լրագրողի անձնագիրը խլել են, հետո նրան ձերբակալել
Վանաձորյան «ռազբորկայից» հետո 40 տարեկան տղամարդու են ձերբակալել. նոր մանրամասներ
Հայերը հայի՞ են առևանգել. Լենինգրադի մարզում երկու մարդու են ձերբակալել
թեգերը:
գողություն, Տնօրեն, Ձերբակալում, չարաշահում, ՀՀ Ոստիկանություն

Գլխավոր թեմաներ