18:54 07 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
ՌԴ ոստիկանություն

Մոսկվայում սպանված հայ մարզիկը կասկածվում էր «Մասիվցի Անդիկի» սպանությունը պատվիրելու մեջ

© Sputnik / Владимир Астапкович
Պատահարներ
Ստանալ կարճ հղումը
2986 0 0

Ըստ տեղեկությունների` սպանվածը «Մասիվցի Անդիկի» սպանության գործով հարուցված քրեական գործում ներգրավված էր որպես կասկածյալ:

ԵՐԵՎԱՆ, 14 նոյեմբերի – Sputnik. Ռուսաստանի Դաշնությունում սպանված 40-ամյա Աշոտ Բոլյանը Հայաստանում՝ հանցագործ աշխարհում հայտնի «օրենքով գող» «Մասիվցի Անդիկի» սպանության գործով հարուցված քրեական գործում ներգրավված էր որպես կասկածյալ: Նա կասկածվում էր «Մասիվցի Անդիկի» սպանությունը պատվիրելու համար: Այս մասին հայտնում է shamshyan.com-ը։

Ավելի վաղ հայտնել էինք, որ Մոսկվայի հարավ-արևմուտքում սպանվել է թայբոքսինգի բռնցքամարտի աշխարհի եռակի չեմպիոն, միջազգային տարբեր մրցաշարերի չեմպիոն Աշոտ Բոլյանը։ Տեղեկությունը հաստատել է նաև Մոսկվայի քննչական գլխավոր վարչության պաշտոնական ներկայացուցիչ Յուլյա Իվանովան։

Քննության տվյալների համաձայն՝ նոյեմբերի 13-ի երեկոյան՝ բնակելի տան մոտ, որը գտնվում է Նախիմովի պողոտայում, անհայտ անձը մի քանի կրակոց է արձակել 1979 թվականին ծնված տղամարդու ուղղությամբ. նա տեղում մահացել է։ Ըստ աղբյուրի՝ ՔԳՎ քննչական մարմինները հարուցել են քրգործ՝ «Սպանություն» և «Զենքի ապօրինի կրում» հատկանիշներով: Իրականացվում են քննչական գործողություններ և օպերատիվ-որոնողական միջոցառումներ։ 

Մասիվցի Անդիկի սպանության գործով քրեական հեղինակություններ են հարցաքննվել. «Ժողովուրդ»

40–ամյա Բոլյանը մեծ հաջողությունների է հասել թայբոքսինգում։ Նա WPKA–ի վարկածով եռակի չեմպիոն է, աշխարհի չեմպիոն, հաղթել է IPMTF–ի վարկածով թայբոքսինգի աշխարհի գավաթը, WPKA վարկածով քիքբոքսինգի Ասիայի գավաթը, նաև 17 անգամ չեմպիոն է դարձել այլ միջազգային մրցաշարերում։ Նա նաև հարվածների արագության ռեկորդ է սահմանել, Աշոտ Բոլյանը մեկ վայրկյանում 11 հարված է հասցրել, որից 8–ը` ձեռքերով, 3–ը` ոտքերով։

«Գործընկերներից» ում է հանդիմանել Մասիվցի Անդիկը, և ի՞նչ կապ ունի Վլադիմիր Գասպարյանը

2004 թվականին բռնցքամարտիկը Ռուսաստան է տեղափոխվել ու ավարտել կարիերան։ Վերջերս նա գլխավորում էր Համաշխարհային հայկական կոնգրեսի սպորտի դեպարտամենտը, հայկական սպորտային ֆեդերացիաների համաշխարհային ասոցիացիայի նախագահն էր ու Ռուսաստանի և Նոր Նախիջևանի հայոց թեմի սպորտի դեպարտամենտի ղեկավարը։

Ավելի վաղ հայտնել էինք, որ ոստիկանները բացահայտել են 46-ամյա Անդրանիկ Հարությունյանի, «օրենքով գող» «Մասիվցի Անդիկի» սպանությունը։ Պարզվել էր, որ սպանությունը կատարել է ՌԴ 32-ամյա մի քաղաքացի: Նրան հանցագործությունը կատարելու համար օժանդակել է Երևանի 50-ամյա մի բնակիչ: Նա բերման էր ենթարկվել ու ձերբակալվել: 

Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի (սպանություն) և 235-րդ հոդվածի 1-ին մասի (ապօրինի կերպով զենք–զինամթերք պահելը) հատկանիշներով:

Հիշեցնենք, որ հուլիսի 2-ի գիշերը Նոր Նորքի 5-րդ զանգվածի շենքերից մեկի բակում սպանվել էր 46-ամյա Անդրանիկ Հարությունյանը, ավելի հայտնի «Մասիվցի Անդիկ» մականունով: Հարությունյանի դիակի վրա առկա էր 4 հրազենային վնասվածք, որոնցից մեկը՝ դեմքին։

Ըստ թեմայի

Ռուսաստանի քրեական հեղինակությունները հավաքների ժամանակ քննարկել են Մասիվցի Անդիկի սպանությունը
Նուբարաշենի բանտի անկարգությունները «զոն նայողներ» Վաչիկի ու Նորագյուղցի Նվերիկի ձեռքի գործն են
Օրենք՝ «օրենքով գողերի» համար․ Փաշինյանի բռնած գործը երկու ավարտ կարող է ունենալ
Չես բռնվել` գող ես, բռնվել ես` էլի գող ես. հայ «օրենքով գողերի» շուրջ վերջին զարգացումները
թեգերը:
Քրեական գործ, Սպանություն, Մասիվցի Անդիկ, օրենքով գող, Ռուսաստան, հայեր, հայ

Գլխավոր թեմաներ