ԵՐԵՎԱՆ, 23 դեկտեմբերի – Sputnik. Երեկ՝ դեկտեմբերի 22-ին, ձերբակալվել է Կոտայքի մարզի Գառնի գյուղի բնակիչ, 37-ամյա Արա Հայրապետյանը: Այս մասին հայտնում է shamshyan.com-ը։
Դեկտեմբերի 21-ին ոստիկանության Կոտայքի մարզային վարչությունը տեղեկություններ է ստացել, որ Գողթ գյուղի բնակիչ, 38-ամյա Ա.Ս.-ի ծննդյան արարողության ժամանակ կրակոցներ են հնչել: Դեպքը տեղի է ունեցել «Ոսկե աքաղաղ» ռեստորանային համալիրում։
Ոստիկաններն ու քննիչները օպերատիվ-հետախուզական և քննչական համատեղ գործողությունների ընթացքում տեղեկություններ են ստացել, որ ծննդյան արարողության ժամանակ Ա. Հայրապետյանը, լինելով ոչ սթափ վիճակում, մասնակիցների նկատմամբ բացահայտ անհարգալից վերաբերմունք է դրսևորել և դիտավորությամբ, կոպիտ կերպով խախտել հասարակական կարգը, իր մոտ եղած ապօրինի ատրճանակով դեպի վեր մի քանի անկանոն կրակոց է արձակել:
Շիրակում մեքենան դուրս է եկել երթևեկելի հատվածից և շրջվել. տուժածներից երեքը երեխաներ են
Կրակոցներից հետո Հայրապետյանn իրեն պատկանող BMW մակնիշի ավտոմեքենայով ուղևորվել է Գառնի գյուղ և BMW-ի մեջ, ըստ նախնական տեղեկությունների, ատրճանակից անզգուշաբար կրակոց է արձակել, ինչի հետևանքով էլ ձախ ոտքի մասում հրազենային վնասվածք է ստացել:
Ֆոտոլրագրողի տեղեկություններով` նրան տեղափոխել են «Սուրբ Գրիգոր Լուսավորիչ» բժշկական կենտրոն:
Շմոլ գազից ամբողջ ընտանիքը թունավորվել է. հիվանդանոց տեղափոխված 5–ից 3–ը երեխաներ են
Աղբյուրը հայտնում է, որ ոստիկաններն ու քննիչները հայտնաբերել են ատրճանակը, որը քննիչի որոշմամբ առգրավվել է, իսկ ձերբակալվածը նախկինում ավազակային հարձակում կատարելու և խուլիգանության հատկանիշներով դատապարտված է եղել:
Փաստի առթիվ հարուցվել է քրեական գործ:
