ԵՐԵՎԱՆ, 6 օգոստոսի – Sputnik. Լոռու մարզում այսօր արտակարգ դեպք է տեղի ունեցել։ Ժամը 14։15-ի սահմանում մի քաղաքացի Վանաձոր քաղաքի Տիգրան Մեծի փողոցում մտել է «Varks.am» և «Մոգո» վարկային կազմակերպություններ, աշխատակիցներին դուրս հրավիրել, դիզվառելիքով լցված շիշն այրել ու նետել սրահներ, ապա փախել։ Տեղեկությունը հայտնում է shamshyan.com–ը։
Ըստ կայքի` դեպքի վայր է ժամանել ԱԻՆ հրշեջ փրկարարական ջոկատը, սակայն մինչ նրանց ժամանելը հավաքված մարդիկ կանխել են կրակի տարածումը, ապա մարել այն։
Ավազակային հարձակում «Հայփոստում». տղամարդը սպառնացել է զենքով ու գումար պահանջել
Ոստիկանները հայտնաբերել են հրդեհի պատճառ դարձած քաղաքացուն և բերման են ենթարկել ոստիկանություն։ Պարզվել է` նշված քաղաքացին Վանաձորի բնակիչ, 44-ամյա Լևոն Մ.-ն է։
Փաստի առթիվ ոստիկանությունում նյութեր են նախապատրաստվում։
