ԵՐԵՎԱՆ, 11 օգոստոսի - Sputnik. Oգոստոսի 9-ին` ժամը 05։30-ի սահմաններում, իրավապահները խուլիգանություն կատարելու կասկածանքով Հրազդանի կիրճի «Բիձու գյոլ» կոչվող տարածքից ոստիկանության Մալաթիայի բաժին բերման են ենթարկել Երևանի բնակիչներ՝ 19-ամյա Արմեն Կ-ին, 30-ամյա Սարգիս Գ-ին, 17-ամյա Մարտին Ա-ին, 18-ամյա Դավիթ Մ-ին, 21-ամյա Ալբերտ Ս-ին, 22-ամյա Գևորգ Ա-ին, 18-ամյա Դավիթ Դ-ին, 33-ամյա Սարգիս Պ-ին և 28-ամյա Տիգրան Բ-ին, Աբովյան քաղաքի բնակիչ՝ 24-ամյա Էդգար Ս-ին։
Shamshyan.com-ի տեղեկություններով՝ արդեն ոստիկանությունում պարզվել է, որ 28-ամյա Տիգրան Բ-ն, որը եղել է իրեն պատկանող Nissan մակնիշի ավտոմեքենայով, նույն օրը` ժամը 04։00-ի սահմաններում, սեփական անձի առավելությունն ընդգծելու մոլուցքից մղված, իրեն պատկանող ատրճանակից կրակոց է արձակել՝ կոպտորեն խախտելով հասարարական կարգը և բացահայտ անհարգալից վերաբերմունք է ցուցաբերել հասարակության նկատմամբ։
Ոստիկաները դեպքի վայրի զննությամբ հայտնաբերել են ատրճանակը, 2 ծալովի դանակ։ Արդեն պարզվել է, թե ում են պատկանում ատճանակն ու դանակները։
