ԵՐԵՎԱՆ, 30 օգոստոսի - Sputnik. Թալին-Մաստարա ավտոճանապարհին գիշերը վթար է եղել. կա տուժած։ Տեղեկությունը հայտնում է ԱԻՆ մամուլի ծառայությունը։
Ահազանգը Մարզային ճգնաժամային կառավարման կենտրոնում ստացել են օգոստոսի 30-ին, ժամը 00:14-ին։ Դեպքի վայր է մեկնել ԱԻՆ ՓԾ Արագածոտնի մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
«Պարզվել է, որ Երևան-Գյումրի ավտոճանապարհի 84-րդ կմ-ին «Nissan X-Trail» մակնիշի ավտոմեքենան դուրս է եկել ճանապարհի երթևեկելի հատվածից և գլորվել ձորը (մոտ 80 մետր)»,–նշված է հաղորդագրության մեջ:
Փրկարարները տուժածին պատգարակով դուրս են բերել ձորից և մոտեցրել շտապօգնության ավտոմեքենային։
Քաղաքացին հոսպիտալացվել է Թալինի ԲԿ, որտեղ նրա առողջական վիճակը բժիշկները գնահատել են ծանր։
Փրկարարները հոսանքազրկել են ավտոմեքենան և փակել գազի բալոնի փականը:
Աղջկան գրկել և մեքենա վարել․ ինչ է հուշում ֆիննական փորձը, կամ ինչպես խուսափել վթարներից
