ԵՐԵՎԱՆ, 1 սեպտեմբերի – Sputnik. Այսօր` սեպտեմբերի 1-ին, մահվան ելքով վրաերթ է տեղի ունեցել Արմավիրում։ Ժամը 03։00-ի սահմաններում Արմավիրի մարզի բնակիչ, 34-ամյա Բենիկ Ս․-ն Արմավիր քաղաքի Երևանյան-Թումանյան փողոցների խաչմերուկում իր վարած «Mercedes»-ով վրաերթի է ենթարկել հետիոտն, Արմավիրի մարզի բնակիչ, 39-ամյա Գարիկ Մ․-ին։ Տեղեկությունը հայտնում է shamshyan.com–ը:
Վրաերթի ենթարկվածը տեղում մահացել է։ Վարորդը չի փախել դեպքի վայրից։
Փաստի առթիվ հարուցվել է քրեական գործ՝ ՀՀ քրեական օրենսգրքի 242 հոդվածի 2-րդ մասի հատկանիշներով (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ)։
Պայթյուն և հրդեհ Արմավիրի կոնյակի գործարանում. կան զոհեր
Քննիչի հանձնարարականով ավտոմեքենան տեղափոխվել է Ոստիկանության Արմավիրի բաժնի պահպանվող հատուկ տարածք։
Ծեծելով սպանել են Վերին Կարմիրաղբյուր գյուղի 39–ամյա բնակչին
