ԵՐԵՎԱՆ, 11 հունվարի - Sputnik. Խոշոր ավտովթար է այսօր տեղի ունեցել Կոտայքի մարզում։ Վթարի հետևանքով 8 հոգի մարմնական վնասվածքներով տեղափոխվել են հիվանդանոց։ Տեղեկությունը հայտնում է shamshyan.com–ը։
Դեպքը տեղի է ունեցել ժամը 16։30-ի սահմաններում։ Երևան-Սևան ավտոճանապարհի 36 կմ հատվածում՝ Չարենցավանի վարչական տարածքում, բախվել են «Opel» և «Գազել» մակնիշի ավտոմեքենաները։ Բախման հետևանքով «Գազելը» կողաշրջվել է։
«Վթարի հետևանքով 8 հոգի մարմնական վնասվածքներով տեղափոխվել են «Չարենցավանի» և «Հրազդանի» բժշկական կենտրոններ։ Վիրավորներին առաջինն օգնության են հասել քաղաքացիներն ու հրշեջ-փրկարարները»,–գրում է կայքը։
Ոստիկանությունը պարզում է վարորդների և վիրավորների ինքնությունը։