ԵՐԵՎԱՆ, 30 հունվարի – Sputnik. Այսօր՝ հունվարի 30-ին, ողբերգական ավտովթար է տեղի ունեցել Սյունիքի մարզում։ Տեղեկությունը հայտնում է shamshyan.com–ը։
Ժամը 10։00-ի սահմանում Ախթալա քաղաքի բնակիչ 28-ամյա Հարութ Աքելյանն իր վարած «Mercedes Vito» մակնիշի ավտոմեքենայով Մեղրի-Երևան ավտոճանապարհի 195 կմ-ին դուրս է եկել ճանապարհի երթևեկելի գոտուց և մոտ 60 մ ընկել ճանապարհի ձախակողմյան ձորը։
Ուղևորներից մեկը՝ Կապան քաղաքի բնակիչ 64-ամյա Ալիկ Հարությունյանը, տեղում մահացել է, իսկ վարորդ Հ․Աքելյանն ու մյուս ուղևորը` Կապանի բնակիչ, 61-ամյա Ռոբերտ Գասպարյանը, փրկարարների ու քաղաքացիների օգնությամբ դուրս են բերվել ձորից և տեղափոխվել են «Սիսիան» բժշկական կենտրոն։
Հարուցվել է քրեական գործ ՀՀ քր․ օր․-ի 242 հոդվածի 2-րդ մասի հատկանիշներով։
Երևանյան լճի հարակից քարանձավում դի են գտել
Քննիչի հանձնարարականով ավտոմեքենան տեղափոխվել է ոստիկանության Սիսիանի բաժնի պահպանվող հատուկ տարածք։
Ողբերգական ավտովթար Կոտայքում. 46-ամյա վարորդը տեղում մահացել է
