ԵՐԵՎԱՆ, 13 փետրվարի – Sputnik. Սյունիքի մարզի Գորիս քաղաքում երիտասարդ տղամարդն ինքնասպանություն է գործել մոր ներկայությամբ։ Տեղեկությունը հայտնում է shamshyan.com–ը։
Ավելի վաղ ՀՀ քննչական կոմիտեն հայտնել էր, որ 2021թ. փետրվարի 12-ին` ժամը 02:20-ին, Սյունիքի մարզային քննչական վարչության Գորիսի քննչական բաժինը ՀՀ ոստիկանության Գորիսի բաժնից հաղորդում է ստացել, որ քաղաքի տներից մեկում գտնվում է նույն տան՝ 1991թ. ծնված բնակչի դին` գլխի շրջանում հրազենային վնասվածքով:
Shamshyan.com–ի տեղեկություններով` դեպքի վայր մեկնած ոստիկաններն ու քննիչները տան ննջասենյակում` մահճակալին, հայտնաբերել են 30-ամյա Արսեն Ս.-ի դին:
Ըստ կայքի` ԱԿՄ տեսակի 7,62 տրամաչափի ինքնաձիգը հայտնաբերվել է դիակի մոտ։ Որդին մոր ներկայությամբ է նշված ինքնաձիգով ինքնասպան եղել:
Քննիչի որոշմամբ` ինքնաձիգն առգրավվել է, նշանակվել են դատաձգաբանական և դիակի դատաբժշկական փորձաքննություններ:
Խաղից մինչև ինքնասպանություն. ինչպես պաշտպանել դեռահասության շրջանում գտնվող երեխային
