09:55 23 ապրիլի 2021
Ուղիղ եթեր
  • USD522.24
  • GBP726.17
  • EUR628.99
  • RUB6.86
Պատահարներ
Ստանալ կարճ հղումը
20001

Մոր և դստեր մարմինների վրա իրավապահները բռնության հետքեր չեն հայտնաբերել: Նշանակվել են դիակի դատաբժշկական և դատատեխնիկական փորձաքննություններ։

ԵՐԵՎԱՆ, 1 ապրիլի – Sputnik. Երևանյան բնակարաններից մեկում այսօր հայտնաբերված 26–ամյա կնոջ ու 7 տարեկան դստեր մահվան պատճառը եղել է շմոլ գազը։ Տեղեկությունը հայտնում է ՀՀ քննչական կոմիտեի մամուլի ծառայությունը։

Նշենք, որ այսօր`ժամը 00:40-ին, Արաբկիր շտապօգնության ենթակայանից ՀՀ ոստիկանության Քանաքեռ-Զեյթունի բաժին ահազանգ էր ստացվել այն մասին, որ Երևան քաղաքի Ռուբինյանց փողոցի բնակարաններից մեկում հայտնաբերվել են մոր և դստեր դիերը:

«Քննչական-օպերատիվ խմբի կողմից կատարված դեպքի վայրի զննությամբ հայտնաբերվել է 26-ամյա կնոջ և նրա 7-ամյա դստեր դիերը, որոնց մարմինների վրա բռնության հետքեր չեն հայտնաբերվել: Համաձայն վերջիններիս մահվան մասին բժշկական վկայականի պատճենների՝ նրանց մահվան պատճառն է հանդիսացել «Օրգանիզմի սուր թունավորումը՝ ածխածնի մոնոօքսիդով»,–նշված է հաղորդագրության մեջ:

Դեպքի առթիվ ՀՀ քննչական կոմիտեում հարուցվել է քրեական գործ՝ ՀՀ քրեական օրենսգրքի 279-րդ հոդվածի (անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը) 3-րդ մասով:

Նշանակվել են դիակի դատաբժշկական և դատատեխնիկական փորձաքննություններ, կատարվում են քննչական և դատավարական այլ գործողություններ՝ դեպքի բոլոր հանգամանքները պարզելու ուղղությամբ:

Նոր Հաճնում 6–հոգանոց ընտանիք է թունավորվել շմոլ գազից

Ըստ թեմայի

Վանաձորյան խնջույքից 6 օր անց ևս մեկ մարդ է հոսպիտալացվել
Քիմիական զենքն Արցախում․ ինչի՞ մասին են վկայում հայ զինվորների այրվածքները
Որոնք են առողջ լինելու հիմնական ցուցիչները. արժեքավոր խորհուրդներ COVID-ի դարաշրջանի համար
թեգերը:
Մահ, թունավորում

Գլխավոր թեմաներ