ՃՏՊ` Վանաձոր քաղաքի սկզբնամասում. հոսպիտալացվածների մեջ երկու երեխա կա

ԵՐԵՎԱՆ, 2 հունիսի - Sputnik. Այսօր ՃՏՊ է տեղի ունեցել Վանաձոր քաղաքի սկզբնամասում, որի հետևանքով 4 մարդ է տեղափոխվել հիվանդանոց, այդ թվում` 2 երեխա։ Տեղեկությունը հայտնում է ՀՀ արտակարգ իրավիճակների նախարարությունը։

«Պարզվել է, որ Վանաձոր-Սպիտակ ավտոճանապարհի 1-ին կմ-ին բախվել են «Opel Astra» (վարորդ՝ Վ․ Ս․, ծնված 1960 թ.) և «BMW X5» (վարորդ՝ Ա․ Հ․, ծնված 1999 թ․) մակնիշների ավտոմեքենաները: Մինչ փրկարարների կանչի վայր հասնելը, «Opel Astra» մակնիշի ավտոմեքենայի վարորդը և ուղևորներ Ա․ Ս․-ն (ծնված 2011 թ) և Հ․ Ս․-ն (ծնված 2009 թ) տեղի ուժերով դուրս են բերվել մեքենայից և հոսպիտալացվել Վանաձորի ԲԿ»,–նշված է հաղորդագրության մեջ։

Բժիշկները հոսպիտալացվածների առողջական վիճակը գնահատել են բավարար:

Բացի այդ, փրկարարները «Opel Astra» մակնիշի ավտոմեքենայից դուրս են բերել և շտապօգնության մեքենային են մոտեցրել Հ․Մ․-ին (ծնված 1957 թ․)։ Նրան նույնպես տեղափոխել են Վանաձոր քաղաքի ԲԿ, որտեղ բժիշկները նրա առողջական վիճակը գնահատել են միջին ծանրության:

Մարդատարների ու տրոլեյբուսի մասնակցությամբ վթար–վրաերթ` Գայի պողոտայում. կան տուժածներ