ԵՐԵՎԱՆ, 1 հոկտեմբերի — Sputnik. Sputnik գործակալությունը «Sputnik.Փաստեր» նախագծի շրջանակում տվյալներ է հրապարակում Եվրոպայի երկրներ գաղթած փախստականների թվի վերաբերյալ։
Ինչպես հայտնում է Sputnik մամուլի ծառայությունը, հղում անելով Եվրոստատի տվյալներին, փախստականների ամենամեծ հոսքերը գրանցվել են Սիրիայից (73 310 մարդ), Կոսովոյից (58 920 մարդ), Աֆղանստանից (39 910 մարդ)։ Հենց այս երկրներում են իրականացվել ԱՄՆ–ի և նրա դաշնակիցների ռազմական տարբեր գործողությունները։
Եվրոստատի տվյալները վկայում են, որ 2008 թվականից հետո Եվրոպայում գրեթե 3 անգամ ավելացել է փախստականների հոսքը։ Մերձավոր Արևելքից և Հյուսիսային Աֆրիկայից ներգաղթածներին ընդունելու առումով առաջատար երկրներ են Հունգարիան, Շվեդիան և Ավստրիան, համապատասխանաբար, 9 929, 5 052 և 3 328 մարդ 1 միլիոն տեղի բնակչի հաշվարկով։ Հատկանշական է, որ փախստականների 72 տոկոսը տղամարդիկ են և 28 տոկոսը` կանայք։ Բոլոր փախստականների գրեթե կեսը (49%) 14-34 տարեկան տղամարդիկ են, 12 տոկոսը` կանայք։
«Sputnik.Փաստեր» նախագիծն իրականացնում է Sputnik տեղեկատվական գործակալութունն ու ռադիոն։ Նախագծի շրջանակում քաղաքական և սոցիալական արդի թեմաներով տվյալներ են հրապարակվում, որոնք հիմնված են երկրների և կազմակերպությունների (ՄԱԿ, ԱՄՀ և այլն) վիճակագրության, հետազոտական խոշոր կենտրոնների կանխատեսումների վրա։
Sputnik–ը (sputniknews.com) տասնյակ երկրներում գործող լրատվական գործակալություն է, որն ունի ռադիո և տեղեկատվական կենտրոններ։ Sputnik–ն ընդգրկում է կայքեր, բջջային հավելվածներ և սոցիալական ցանցերի էջեր, իրականացնում է անալոգային և թվային ռադիոհեռարձակում։
Եվրոպայում փախստականների թվի աճի պատճառը ռազմական հակամարտություններն են
11:04 01.10.2015 (Թարմացված է: 17:47 12.10.2015)
Բաժանորդագրվել
Մերձավոր Արևելքից և Հյուսիսային Աֆրիկայից ներգաղթածներին ընդունելու առումով առաջատար երկրներ են Հունգարիան, Շվեդիան և Ավստրիան։